Ge o le mošomi o na le phapano le mongmošomo wa gago, goba e le semphekgo, ka taba ya go swana le:
- go rakwa
- megolo le maemo a mošomo
- diphetogo tša lefelong la mošomo, goba
- kgethologanyo.
O ka kgopela Khomišene ya Kagišo, Poelano le Bonamodi (CCMA) go agišana goba go ka namola phapano ya lena. Mokgatlo wa bašomi goba lekgotla la bengmošomo le ka kgona go thoma modiro wo. Ga o nyake tumelelo ya motho pele o iša taba go CCMA.
Diphapano tše di latelago di ka se išwe go CCMA:
- moo go amegago rakontraka yo a ikemetšego.
- moo phapano ya gona e sa sepelelanego le ditaba tša Molawana wa Tswalano ya Bašomi (EEA). Ditabana tša Molawana wa Taolo ya Thwalo ya Bašomi (BCEA) di ka amanywa le diphapano tša go rakwa mo go sego molaong le tša go fedišwa ga mošomo mo go sego molaongi ka go CCMA.
- moo go nago le lekgotla la ditherišano goba lekgotla la molao la karolo yeo.
- moo go nago le kwano ya praebete ya go rarolla diphapano (mohlala: boahlodi bja praebete).
Hwetša dintlha ka botlalo mabapi le go fetišetša phapano go CCMA goba ikgokaganye le CCMA.
