ADEP ke lenaneo la dikabo le diretšwego ditheo tše di ngwadišitšego tša Afrika Borwa tše di šomago ka mediro ya mathomo, ya bobedi le ya thekgo tša borui bja ka meetseng. Le diretšwe meetse a lewatle le a go hlweka (maphaphašetšo a dihlapi le dipolaseng tša dihlapi) le tšweletšo, phetošo le pabalelo ya dihlapi tša go godišwa ka borui bja ka meetseng. Thušo ya mašeleng e fiwa thwii dikgopelo tše di dumeletšwego bakeng sa kago ye mpsha, matlafatšo goba koketšo ya protšeke.
Lenaneo le aba thušo ya mašeleng a kabelo ya tshenyegelo ye e ka bušetšwago go fihla go bontši bja R40 milione ya ditshenyegelo tše di amogelwago tša metšhene le ditlabakelo, mananeokgoparara ka botlalo, naga le/goba meago ye e nago le beng, dikaonafatšo tša khiro, le mediro ya kaonafatšo ya phadišano bjalo ka ge e akareditšwe ka gare ga karolo 8 ya dihlahli tša ADEP.
Hwetša tshedimošo ka botlalo ka lenaneo le go tšwa go Kgoro ya Bogwebi le Intaseteri.
the dti Customer Contact Centre
Tel: 0861 843 384
