Ukufumana ukufikelela ilwazi

Okuphathelene ukufikelela ilwazi

Umnqopho womThetho wokuThuthukisa ukuTholakala kweLwazi kukuqinisekisa bonyana abantu basebenzise amalungelo wabo asemthethweni ukuthola ilwazini eliphethwe mbuso, kunye nelwazi eliphethwe ngomunye umuntu, elifunekako ukuze lisetjenziselwe ukuvikela elinye nelinye ilungelo. Isikhuthazo sokuthoma ukusebenza kokutholakala kwelwazi kukuzama ukungabi nefihlo begodu nokuziphendulela esigungwini sombuso wangeqadi, begodu nokukhulisa umphakathi  lapho abantu beSewula Afrika bathola ilwazi ukuze bakwazi ukulisebenzisa ekuvikeleni amalungelo wabo. 

Elwazini liphi, lelo eliphethwe mNyango wezoBulungisa nokuThuthukiswa komThethosisekelo namkha nanyana ngisiphi isigungu, lingakwazi ukutholakala?

• Ungabawa ukufikela kiyo yoke imitlolo begodu/namkha amarekhodi aphethwe mNyango lowo, ziinsebenzi zawo namkha esinye nesinye isigungu somphakathi. Akukhatheleki bonyana ilwazi lelo ngelanini. Lokho kufaka hlangana lokhu okulandelako:
  • amarekhodi wakho aphethwe mNyango lowo namkha isigungu sombuso
  • ilwazi namkha amarekhodi womunye umuntu, kodwana kumele kube nemvume ebuya kuloyo muntu, khulukhulu nangabe imitlolo inelwazi langeqadi namkha eliyifihlo
  • ukutholakala kwelwazi lelo kungakabekelwa umkhawulo mThetho wokuThuthukisa ukutholakala kweLwazi
  • amarekhodi wekhabhinethi kunye namakomiti wayo
  • amarekhodi aphathelene nemisebenzi yezobulungiswa yekhotho
  • ilwazi:
    • elitholwe libandla elikhethekileko elahlonywa ngokomthetho
    • eliphethwe siphathiswa sezemthetho sekhotho namkha sebandla lelo begodu
    • eliphethwe lilunga elilodwa lepalamende namkha isibethamthetho sephrovinsi.

UmThehto wokuThuthukisa ukuTholakala kweLwazi akukameli usetjenziswe:

• nangabe amarekhodi abawelwa ukusetjenziswa ekambisweni yezobulelesi namkha ekambisweni ephathelene nomphakathi namkha
• lapho ikambiso yezobulelesi namkha ephathelene nomphakathi sele ithomile. 

Namkha kunjalo, umThetho wokuTholakala kweLwazi kumthetho ongaphezu kweminye imithetho namkha imithetho ejanyisiweko engakuvimbela namkha ikukhawulele ekutholakaleni kwelwazi.

Okufanele ukwenze

1. Buza iSekela leSiphathiswa seLwazi somnyango ofaneleko karhulumende bonyana litholakala bunjani ilwazi namkha umtlolo owufunako.
2. Zalisa Form 2 : Isibawo sokuthola amarekhodi wesigungu somphakathi. Kungenzeka ulithole emaofisini womNyango namkha uwathole ku-inthanethi.
3. Nangabe ilwazi olifunako alitholakali simahla, kumele ubhadale imbhadelo yokubawa (ngendlela yeentembhu zengeniso). Ungafanele ubhadela imbhadela yokuthola  neyokuzuma (qala itjheduli yeembhadelo ngenzasi).
4. Nawufuna ilwazi esigungwini somphakathi, awukakatelelwa bonyana unikele isizathu sokobana uzoyisebenziselani namkha ukuvikela amalungelo wakho.

Amazinga wokusebenza nesikhathi

• iSekela leSiphathiswa seLwazi  kumele siphendule emalangeni ama-30 ngemva kokkukthola isibawo sakho.
• Nangabe iSekela leSiphathiswa seLwazi namkha isiPhathiswa seLwazi sikwalela nemvume yokuathola ilwazi olikhombeleko, ungadlulisela isinghognhoyilo sakho kuNgqongqotjhe wezoBulungisa nokuThuthukiswa komThethosisekelo namkha uNgqongqotjhe ofaneleko wesigungu somphakathi esifaneleko.
• Nangabe awukaneliseki ngemiphumela, ungaya ekhotho.
• iSekela leSiphathiswa seLwazi namkha isiPhathiswa seLwazi sizakurhelebha ngendlela yekambiso.
• Nangabe ilwazi olifunako alikaphathwa mNyango wezoBulungisa nokuThuthukiswa komThethosisekelo, kodwana liphethe yibhodi enye yomphakathi, iSekela leSiphathiswa seLwazi sizakuthumela isibawo sakho kusiPhathiswa seLwazi sesigungu esifaneleko somphakathi emalangeni ama-14.
• Isigungu esifaneleko somphakathi kumele siphendule isibawo sakho amalangeni ama-30 njengoba kusitjhiwo. Uzakwaziswa ngokuthunyelwa kwesibawo sakho kusigungu  esifaneleko somphakathi.

Kubiza malini

Promotion of Access to Information Act 2 of 2000 

Amaforomo azaliswako

PAIA Forms
 

Imininingwana yokuthintana

Nawufuna irhelebho namkha uneminye imibuzo yokuthi ungathola bunjani ilwazi elinye nelinye eliphethwe  mNyango namkha ngesinye nesinye isigungu somphakathi, ungathintana neSekela lesiPhathiswa seLwazi namkha iSiphathiswa seLwazi somnyango namkha isigungu somphakathi esifaneleko.