Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngesicelo selayisensi yefundzela kushayela
Ilayisensi yekufundzela ikuvumela kuphela kutsi ushayele uma ucashelwe ngumshayeli lonelayisensi. Uma sigaba sesitfutsi lesishayelwako sidzinga imvumo yekushayela yebucwepheshe, lomshayeli lonelayisensi naye kumele aphatse imvumo yekushayela yebucwepheshe.
Ilayisensi yekufundzela kushayela iyimvumo lekufakazela kwekutsi unelwati lolusisekelo sesitfutsi kanye nelwati lwemitsetfo yemgwaco. Ilayisensi yekufundzela kushayela isebenta tinyanga letingu-24 futsi angeke ichutjekiswe. Kukhishwa emalayisensi
lehlukene etigaba letahlukahlukene tetincola:
- Ikhodi 1: Lena yesidududu lesinemotela eceleni, sidududu semasondvo lamatsatfu nobe semasontfo lamane. Kumele ube neminyaka lengu-16 nobe ngetulu ngelusuku lwekuhlolwa kute ufake sicelo uma injini yesidududu ingandluli ku-125 cc futsi ube neminyaka lengu-18 uma indlula ku-125 cc.
- Code 2: Lena yesitfutsi, kufaka ekhatsi ikhumbi, ibhasi kanye nesitfutsi setimphahla, lesinesisindvo sesitfutsi lesiphelele lesingandluli ku-3 500kg. Kumele ube neminyaka lengu-17 nobe ngetulu ngelusuku lwekuhlolwa kute ufake sicelo.
- Code 3: Lena yesitfutsi lesinesisindvo sesitfutsi lesiphelele lesindlula ku-3 500kg. Kumele ube neminyaka lengu-18 nobe ngetulu ngelusuku lwekuhlolwa kute ufake sicelo.
Yini lekumele uyente
- Iya kuSikhungo Sekuhlolelwa Kushayela (DLTC) kuyobhuka.
- Kubhuka lusuku lweluhlolo nekucinisekisa kubhuka, kumele ufake loku lokulandzelako:
- matisi (ID)
- titfombe tembala lomnyama nalomhlophe
- inhlawulo yekubhuka
- Gcwalisa lifomu lelayisensi yalabafundzako (LL1), lelitfolakala e-DLTC.
- Utawenta luhlolo lwemehlo esikhungweni sekuhlolwa nobe lokunye longakwenta, ungenta luhlolo lwemehlo kusayi semehlo lesigunyatiwe bese utfumela lelifomu esikhungweni sekuhlolwa.
- Kumele ube nelwati lolusisekelo lwemoti futsi nelwati lwetimphawu temgwaco ngaphambi kwekuyobhala luhlolo. Ngako-ke kumele ufundze timphawu temgwaco, tintfo tekulawula imoti kanye nemitsetfo yemgwaco ngaphambi kwekuyobhala luhlolo.
- Ngelusuku lweluhlolo kumele ufake loku lokulandzelako:
- siliphi sekubhuka kucinisekisa kubhuka kwakho
- matisi wakho.
- Uma uphasa loluhlolo kumele ubhadale inhlawulo yekukhishwa.
Emafomu lagcwaliswako
- Lifomu lesicelo selayisensi yekufundzela (LL1)
- Umuntfu lofaka longetulu kweminyaka lengu-65 budzala nobe ngetulu udzinga lifomu lesitifiketi setekwelashwa (MC).
Lamafomu ayatfolala kunobe ngusiphi sikhungo sekuhlolela ilayisensi yekushayela kanye naku eNatis.
- City of Johannesburg
- City of Tshwane
- City of Cape Town
- Nelson Mandela Bay
- Eastern Cape municipalities
- Free State municipalities
- Gauteng municipalities
- KwaZulu-Natal municipalities
- Limpopo municipalities
- Mpumalanga municipalities
- North West municipalities
- Northern Cape municipalities
- Western Cape municipalities