Muhasho wa Vhushaka na Vhushumisani ha Dzitshaka (DIRCO) u tshi khou shumisana na vhudipuḽomati hawo kana thumo dza vhudipuḽomati ha nnḓa, u ṋetshedza thuso na tsivhudzo ya ndugiselo kha vha tsinisa musi mudzulapo wa Afurika Tshipembe o lovhela kha mashango a nnḓa.
Thuso iyi i katela u:
- wana phemithi u bva kha Muhasho wa Mutakalo ya u hwala tshitumbu
- kwamanya vha muṱa na vha vhulungi vha shango ḽe mufu a lovhela khaḽo
- wana dzikhouthu dza u hwala tshitumbu/ kana u fhisiwa ha tshitumbu na/kana mbulungo ya henefho, arali zwo humbelwa nga are tsinisa na mufu
- ṋetshedza vhuṱanzi ha nyimele dzapo na matshimbidzele a zwithu ane a kwama mufu. Zwi tea u dzhielwa nṱha uri nḓila ine muthu a lovha ngayo inga kwama nḓila ine vha mannḓalanga apo vha tshimbidza ngayo kheisi.
Arali mufu ovha a na ndindakhombo ya u enda, kha vha kwame vha ndindakhombo u thoma u sedzulusa arali mufu ovha o tsireledzwa zwi tshi ḓa kha kheisi ya lufu. Muvhuso wa Afurika Tshipembe a u na thuso ya masheleni ine wa ṋetshedza maelana na lufu lwa mudzulapo wa Afurika Tshipembe o lovhelaho kha mashango a nnḓa.
Kha vha vhale zwinzhi ngaha thuso i ṋetshedzwaho musi mudzulapo wa Afurika Tshipembe a tshi lovhela kha mashango a nnḓa. Vha nga kwama Vhuimeleli ha Afurika Tshipembe kha mashango a nnḓa kana Muhasho wa Mutakalo kha nomboro ya luṱingo hei 012 395 8000.