Go reka ntle dišupo tša phatolotši goba materiale wa thutaphedi mo Afrika Borwa

Diforomo tšeo di swanetšwego go tlatšwa

Ka ga go reka ntle dišupo tša phatolotši goba materiale wa thutaphedi mo Afrika Borwa

Ge o nyaka go reka ntle ditšweletšwa tša diphoofolo, kgonagalo ya dili tša ditwatši goba tša go fetela ka mo Afrika Borwa, molao o nyaka gore o dire kgopelo gomme o fiwe tumelelo ya go reka ntle ya ngaka ya iphoofolo go tšwa go Molaodi wa Maphelo a Diphoofolo.

O swanetše go hwetša tumelelo ya go reka ntle ya ngaka ya diphoofolo go reka ntle dišupo tša phatolotši goba materiale wa thutaphedi, go swana le:

madi goba seramo go tšwa diphoofolong
mohlala o mongwe le o mongwe woo o ka šomišwago go swana le mohlapologo, maswi, mantle, letlalo goba setho sa ka gare, bjalobjalo
bakteria, baraese goba dipathotšene tša diphoofolo go somišwa dinyakišišong goba moholeng wo mongwe le wo mongwe.

Ditumelelo tša Go reka ntle ke tša nakwana fela tša morwalo o tee. O swanetše go hwetša tumelelo ye pele morwalo o tloga nageng ya go romela ka ntle.

Go ka ba le melao ye mengwe ya ditšweletša tše di itšego gomme o swanetše go netefatša gore o fihlilela dinyakwa ka moka tša molao.

Seo o swanetšego go se dira

Tlatša fomo ya kgopelo ya go reka ntle dišupo tša patholotši ka Repapliking ya Afrika Borwa. Kgokagana le Lefapa la Maphelo a Diphoofolo ge o se na nnete ya gore o tlatša fomo efe.
Kgomaretša molao wa nyakišišo, goba lengwalo leo le hlalošago mohola wa go reka ntle gomme o fe tshedimošo ka ga tshwaro ya setšweletšwa seo se rekwago ntle , go kgonthiša tše di latelago:
- Materiale wa ditwatši o swanetše go romelwa laporotiring.
- Laporotori e swanetše go dumelelwa gomme e be le tšhireletšo ya maleba (go ya le ka kotsi yeo e amanwago) di swanetše go ba maleba.
- Materiale ka moka woo o rekilwego ntle o swanetše go senywa ka morago ga diteko goba nyakišišo.
- Go swanetše go hlalošwe gore diphoofolo tša go phela di tla tšweletšwa go materiale wo o rekiwego ntle goba aowa.
- Ge diphoofolo tša go phela di tšweletšwa, di swanetše go senywa gomme mašaledi a fišwe ka morago ga diteko goba nyakišišo.
- Matertiale ka moka woo feteditšwego ka bolwetši bja hlako le molomo, gammogo le malwetši ao a sa tlwaelegago, di ka ya fela go Mellwane ya Malwetši a Diphoofolo mo Onderstepoort.
Ngaka ya diphoofolo ya mmušo mo Lefapeng la Maphelo a Diphoofolo o tla kgokagana le wena ge tshedimošo ye nngwe e nyakega gomme o tla dira kelo ya kotsi gore a dumele kgopelo ya gago.
O swanetše go lefa madi a tumelelo.
Lokela tefo ya tumelelo ka pankeng ya Kgoro:
Leina la panka: Panka ya Standard ya Afrika Borwa
Leina la mong wa akhaonte: Kgoro ya Temo ya Bosetšhaba
Nomoro ya Akhaonte: 011219556 Sehlopha sa Boditšhaba
Lekala: 010845
Sehlopha sa IB 0001982 Khouto ya Senthara
Khouto ya kakaretšo SBZA-ZAJ J
Leina la lekala: Arcadia.
Tefo e ka dirwa gape ka tšheke yeo e lefelwago go Molaodi-Mogolo: Kgoro ya Temo, Dithokgwa le Boreahlapi.
Tefo a ka dirwa gape diofising tša Kgoro ya Temo, Dithokgwa le Boreahlapi yeo e lego lenaneo la ditlhalošišo tša ka fase.
Maikarabelo a ditefelo tša panka ya gago le a ditefelo tša panka ya mafase a ka ntle ke a gago, kgoro e ka se ntšhe tumelelo ge tefelo ka moka ya R120 e sa ya amogelwa.
Tsebišo ye bohlokwa: Boitsebišo e be leina le sefane sa moreka ntle:
Romela fomo yeo e tladitšwego le bohlatse bja tefo go:
Molaodi: Maphelo a Diphoofolo
Yuniti ya Go Reka le go Romela ntle
Private Bag X138
Pretoria
0001
Afrika Borwa
goba Fekse go 012 329 8292 / e-mail: VetPermits@daff.gov.za.
Ka kgopelo bolela mo fomo ya kgopelo ge e le gore tumelelo e tla tla e tšewa goba e romelwe go wena.
Go latela kamogelo ya fomo ya kgopelo yeo e tlaitšwego le bohlatse bja tefo, Tumelelo ya Reka ntle Kalafo ya Diphoofolo e tla ntšhwa gomme ya romelwa thwii go wena.
Ngaka ya diphoofolo yeo e dumeletšwego ke Molaodi wa Ngaka ya Diphoofolo ya naga yeo e romelago ntle o swanetše go tlatša Setifikeiti sa Maphelo sa Ngaka ya Diphoofolo ka Seisemane pele morwalo o tloga.
Ka nako tše dingwe Setifikeiti sa Maphelo sa Ngaka ya Diphoofolo ga se nyakege ge go rekwa ntle dišupo tša patholotši, eupša ngaka ya diphoofolo ya semmušo ya naga yeo e romelago ntle e swanetše go hlaola gomme e tswalele merwalo.
O swanetše go iša Tumelelo ya go Reka ntle ya Ngaka ya Diphoofolo ya mathomo le ( le Setifikeiti sa Maphelo sa go Reka ntle) go Mohlankedi wa go reka ntle wa ngaka ya diphoofolo wa Afrika Borwa mo matsenong a boemakepe.
Ge o nyaka tshedimošo efe goba efe ka dinyakwa tša thwii tša sešupo sa patholotši seo se itšego goba setšweletšwa sa thutaphedi, o ka hwetša dikopi tša dišupo tša Tumelelo ya Go reka ntle ya Ngaka ya Diphoofolo le Setifikeiti sa Maphelo sa Ngaka ya Diphoofolo go tšwa Ofising ya Tumelelo ya Lefapa la Maphelo a Diphoofolo.
Moo e lego gore o dira kgopelo legatong la o mongwe, netefatša gore o lefa ka leina la motho woo goba leina la khamphani. Boitsebišo e be leina le sefane sa moreka ntle

Ela hloko: Ga gona kgopelo yeo e tla lebelelwago ge go se na bohlatse bja tefelo. Bohlatse bja go lokela tšhelete bo swanetše go feksetšwa go: 012 329 8292 go tlhokomedišišo ya : Ina Labuschagne.

Lebaka

Ge kgoro ya Bosetšhaba diofising e dumeletše go reka ntle, go tšea matšatši a mošomo a mararo go ya go a mahlano go lebelelana le kgopelo gomme ya ntšha tumelelo.