Kgopelo ya go godiša ngwana wa Afrika Borwa o le ka nageng ye nngwe

Malebana le go dira kgopelo ya go godiša ngwana wa Afrika Borwa o le ka nageng ye nngwe

Ge e le gore o moAfrika Borwa yo a dulago ka nageng ye nngwe, o na le kgahlego ya go godiša ngwana wa Afrika Borwa, o swanetše go ikgokaganya le ba taolo ya bogareng ka nageng yeo o dulago go yona.

Ge e le gore ga go na ba taolo bao ba šomago ka merero ye ka nageng ya geno, o ka ikgokaganya le Mokgatlo wa Boditšhabatšhaba wa Ditirelo tša Setšhaba (ISS).

Go godiša ngwana o le ka nageng ye nngwe ke go bea ngwana ka tlhokomelong ya sa ruri ya motho yo e sego mmagwe wa madi goba mohlokomedi gomme o dula ka nageng ye nngwe. Go fa ngwana yoo lapa la gagwe la maleba le sa hwetšagalego lapa la sa ruri ka nageng ya gabo.

Seo o swanetšego go se dira

• Ikgokaganye le ba taolo ya bogareng goba ISS ka nageng yeo o dulago ka go yona
• Ba taolo ya bogareng goba ISS ka nageng ya geno ba tla šišinya mokgatlo wo o šomago ka kgodišo ya bana wo o tlago go sekaseka le go lekola ge eba o na le maswanedi.
• Ge ba taolo ya bogareng goba ISS e hwetša o na le maswanedi le maloka a go godiša ngwana, e tla ngwala pego ya tekodišišo ya ka lapeng ka botlalo gomme ya  e romela go ba Taolo ya Bogareng ba Afrika Borwa (SACA).
• SACA e tla lebiša taba ye go mokgatlo wa kgodišo ya bana wo o dumeletšwego go bona ge eba go na le ngwana yo a lego gona go ka godišwa.
• Modirelaleago o tla netefatša gore motho yo mongwe le yo mongwe yo a nyakago go dumela go godiša ngwana o fa tumelo yeo ka Kgorotshekong ya Bana.
• Batho bao ba amegago ba tla fiwa matšatši a 60 ao ka go ona ba tlago gomiša tumelo ya bona pele ga ge ngwana a bonwa gore a ka kgona go godišwa
• Ge mokgatlo wa kgodišo ya bana o fetša go romela pego o dumela kgodišo ya ngwana, SACA e tla fa Athekele ya 17, yeo e šišinyago gore o godiše ngwana o le ka nageng ye nngwe. 
• SACA e tla romela pego ya tekodišišo ya ngwana go ba taolo ya bogareng ka nageng ya geno go go amantšha le ngwana yoo
• Ge e le gore o sa na le kgahlego ya go godiša ngwana yoo, ba taolo ya bogareng ka nageng ye nngwe batla go fa Athekele ya 17 yeo e go fago tumelelo ya go godiša ngwana gomme ba e romela go SACA
• O tla laletšwa go ya Afrika Borwa gore kgodišo ya ngwana e feleletšwe ka kgorotshekong ya bana. 
• Kgorotsheko ya bana e tla fa taelo ya kgodišo ya ngwana gomme dingwalwa tša maleba di tla romelwa go SACA go tiišetšwa le go ngwadiša kgodišo ya ngwana.
• Ge e le gore kgodišo ye ya ngwana e rulagantšwe le naga ye nngwe ya Hague, SACA e tla netefatša gore Setifikeiti sa  go Obamela Molao se a fiwa.
• Mokgatlo wo o dumeletšwego wa tšhireletšo ya bana o tla netefatša gore Kgoro ya Merero ya Selegae e hwetša khopi ya taelo ya kgodišo ya ngwana le gore go fetošwa ga maina go a dirwa gomme setifikeiti se seswa sa matswalo sa fiwa.
• Mokgatlo wo o dumeletšwego wa tšhireletšo ya bana o tla go fa setifikeiti se seswa sa matswalo.
• Setheo sa kgodišo ya bana sa ka nageng ye nngwe se tla go fa ditirelo tša ka morago ga tlhokomelo ya ngwana mo lebakeng la mengwaga ye mehlano

Lebaka

• Mo lebakeng le baabi ba ditirelo tša kgodišo ya bana ba na le melawana ye e fapafapanego, go ya ka yona gomme botelele bja tshepedišo ya kgodišo ya ngwana bo ya ka mabaka a mmalwa. Go fapana ka mekgatlo le ka tiragalo ya kgodišo ya ngwana.
• Mabaka ao a amanago le lebaka la nako ya tshepedišo ya kgodišo ya ngwana a akaretša ao a latelago: go lekodišiša batswadi bao ba nyakago go godiša ngwana; go hwetšagala ga ngwana yo a ka godišwago yo a ka kgonago go nyalantšhwa le batswadi bao ba lekodišišitšwego bao ba ka godišago ngwana, bjalobjalo.

E dira tshenyagelo ya bokae

O ka lefa ditšhelete tše di latelago, tšeo di lekodišišwago ngwaga o mongwe le o mongwe, go mokgatlo wo o dumeletšwego wa tšhireletšo ya bana go godiša ngwana o le ka nageng ye nngwe

Diforomo tšeo di swanetšwego go tlatšwa

Ikgokaganye le ba taolo ya bogareng goba ISS ka nageng yeo o dulago ka go yona

Dintlha tša boikopanyo