Isibawo sokupheliswa komtlhago kwezehlalakuhle

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene isibawo sokupheliswa komtlhago kwezehlalakuhle

Ukupheliswa komtlhago kwezehlalakuhle kunikelwa kwerhelebho lesikhatjhana ebantwini abatlhoga ngendlela yokuthi abakghoni ukuhlangabezana neendingo ezisikelo zemindeni yabo.

Ngubani ongafumana irhelebho lokupheliswa kokutshwenyeka?

Ungafumana irhelebho lokupheliswa komtlhago embusweni nayikuthi usebujameni obumbi khulu.

Ubujamo obumbi khulu buvela ngombana:

  • utlhoga irhelebho ngesikhathi usalinde ukusetjenzwa kwezabelo zabantwana mbuso
  • ubujamo obumbi khulu benzekile, njengokutjha kwendlu yakho
  • awufaneleki kufumana isabelo, begodu usebujameni obumbi khulu
  • awukghoni ukusebenza ngombana awukaphili kuhle – lokhu kutjho bona ugule isikhathi esingaphasi kweenyanga ezisithandathu
  • awukghoni ukufumana imali yesondlo embelethini namkha ebabelethini bomntwana namkha babantwana
  • okunguye yedwa osebenzako emndenini uhlongakele
  • okunguye yedwa osebenzako emndenini uthunyelwe ejele isikhathi esifitjhani (esingadluliko eenyangeni ezisithandathu)
  • uthintwe yihlekelele, kodwana indawo namkha umphakathi ohlala kiwo awukathathwa njengendawo evelelwe yihlekelele.

Uthola ini?

UkuPheliswa komTlhago kwezeHlalakuhle kungaba yiphasela yokudla namkha ivawutjha yokuthenga ukudla. Amanye amaphrovinsi anikela ngerhelebho lemali. UkuPheliswa komTlhago kwezeHlalakuhle kunikelwa isikhathi esifitjhani kuphela – ngokujayelekileko ukufika eenyangeni ezintathu, begodu kwesinye isikhathi iinyanga ezisithandathu.

Okufanele ukwenze

  1. Yenza isibawo sokupheliswa komtlhago kwezehlalakuhle e-ofisini eliseduze lomNyango wezeHlalakuhle.
  2. Letha isibawo sakho nemitlolo elandelako:
    • Umazisi wakho oneenomboro ezili-13 nebhakhowudi kanye neentifikhethi zamabeletho zabantwana.
    • Imitlolo elandelako ingafuneka nangabe umazisi namkha isitifiketi samabeletho asikho:
      • i-avidavidi eyenziwe yi-Justice of the Peace. I-avidavidi kumele ibe nendinyana etjhoko bonyana ilwazi elingasingilo nelinganembiko lizakurholela ekubotjhweni ngokwesigaba 21 somThetho weRhelebho lezeHlalakuhle, umThetho, ka-2004
      • isitatimende esifungelweko mumuntu othembekileko owazi umbawi kunye nomntwana wakhe. Lokho kungenziwa likhansela, umrholi wendabuko, isisebenzi sezehlalakuhle namkha umfundisi
      • isitjengiso sokobana isibawo sesitifiketi samabeletho namkha umazisi sesenziwe emNyangweni weNdaba zangeKhaya
      • nakukghonekako, umazisi wesikhatjhana okhitjhwa mNyango weNdaba zangeKhaya 
      • isitifiketi sokubhabhadiswa
      • ikarada lekliniga
      • iripoto yesikolo.
  3. Tjheja: Akunasibawo esizakuqalwa kunganisitatimende esifungelweko/avidavidi.
  4. Tjengisa ubufakazi bonyana:
  • wenze isibawo sesabelo
  • ube nobujamo oburhabako (isibonelo, nikela ngombiko wamapholisa wokobana indlu yakho itjhe yaphela)
  • ulingile ukufumana isondlo
  • awunalo elinye isekelo
  • utjhadile, uhlukanisile namkha awukatjhadi
  • awunangeniso
  • unokurholophala kwesitjhana.

Isikhathi esibekiweko

  • Isibawo sakho sisetjenzwa khonokho.
  • Nasele ulethe isibawo sakho, sizakuhlolwa bonyana ngesamambala na kanye nokutlhoga kwakho kwamabala irhelebho.
  • Nanyana unganayo yoke imitlolo, uzakufumana iphasela yakho yokudla yenyanga yokuthoma, ivawutjha namkha imali ngaphandle kwayo.
  • Khumbula ukusa yoke imitlolo esiphathisweni ngaphambi kokufika kwelanga lokubhadelwa lenyanga yesibili. Nawungenzi njalo, ungahle ungayifumana iphasela yakho yokudla, ivawutjha namkha imali.
  • Nayikuthi akunatjhuguluko ebujameni bakho ngemva kobana ufumane isabelo iinyanga ezintathu, ungenza isibawo sokobana isabelo sikhuliswe sibe ziinyanga ezintathu.

Kubiza malini

Awubhadeli litho ngalomsebenzi.

Amaforomo ekufanele uwazalise

Thintana ne-ofisi lomnyango eliseduze nawe.

 

Share this page