Imijovo yeenlwana

Okuphathelene nokwenza isibawo semvumo yokuletha ngenarheni imijovo yeenlwana

Ungaletha ngenarheni kuphela, usabalalise namkha uthengise imijovo engasetjenziswa eenlwaneni eSewula Afrika nasele utloliswe ngokuya komThetho weemVundisi, ukuDla kweFuyo, iinHlahla zeenTjalo kanye neenHlahla zeFuyo waka-1947 (umThetho weNomboro 36 waka-1947).

Nayikutih ufuna ukuletha ngenarheni umjovo otlolisiweko ozawusebenzisa eenlwaneni godu kufuze ufumane imvumo yokuwuletha ngenarheni ebuya ebuNqophisini bokuPhila kuhle kweenLwana. Lemvumo yokuletha ngenarheni isebenza kuphela isikhathi esithileko begodu emthwalweni munye kuphela. Kunemithetho elandelwako yokuletha ngenarheni esebenzako. Njengombana iimfuneko zezamaphilo zitjhugutjhuguluka nje, sibawa uthinte ubuNqophisi bokuPhila kuhle kweenLwana (enomborweni ethi 012 319 7507/7684/7700/7673/7456, namkha ngefeksi ethi 012 329 6892, VetPermits@daff.gov.za) ukufumana iimfuno zanjesi.

Nayikuthi ufuna ukuletha ngenarheni umjovo ongakatloliswa bona uzokulingwa eSewula Afrika, utlhoga iimvumo ezimbili. Yinye imvumo ibuya ku-Registrar of Act 36 of 1947 kuthi enye ibuye ebuNqoophisini bokuPhila kuhle kweenLwana (okuyi-Directorate Animal Health). Isibawo semvumo ebuya ku-Registrar of Act 36 of 1947 kufuze siphekelelwe yikambiso epheleleko yokulinga okuhlongozwako.

UbuNqophisi bokuPhila kuhle kweenLwana bukhupha imvumo yokuletha ngenarheni kuphela nasele bufumene ikhophi yemvumo ekhutjhwe ngu-Registrar of Act 36 of 1947. Umjovo olethwa ngenarheni bona uzokulingwa angeze wathengiswa. Ebujameni oburhabako lapho kuba nokuqubuka kobulwelwe, kungatlhogeka ukusetjenziswa umjovo ongakatloliswa.

Manje wena njengongahle abe mlethi ngenarheni kufuze wenze isibawo emKhandlwini wokuLawulwa kweenHlahla ukufumana ukubekelwa ngeqadi ngokuya kwesiGaba 21 somThetho wokuLawulwa kweenHlahla neZinto eziKhambelanako (umThetho weNomboro 101 waka-1965) njengombana utjhugululwe mThetho weNomboro 90 waka-1997). Godu utlhoga, ukusuka ebuNqophisini bokuPhila kuhle kweenLwana, imvumo yokuletha ngenarheni ukobana umjovo ungeniswe ngenarheni. Bakhupha lemvumo yokuletha ngenarheni nasele ufumene imvumo yomKhandlu wokuLawulwa kweenHlahla begodu uletha nobufakazi kibo. Ebujameni lobu, umjovo ongakatloliswa ungathengiswa isikhathi esithileko kuphela bekufike lapho kufunyenwe ukutloliswa.

Okufanele ukwenze

Kufuze kokuthoma ufumane ukutloliswa namkha imvumo ebuya ku-Registrar of Act 36 of 1947, namkha ukubekelwa ngeqadi ngokuya kwesiGaba 21 somThetho weNomboro 101 waka-1965 ukuletha ngenarheni umjovo wefuyo.
Lokha nawufumana imvumo yokuletha ngenarheni ebuya ku-Registrar of Act 36 of 1947, namkha ukubekelwa ngeqadi ngokuya kwesiGaba 21 somThetho weNomboro 101 waka-1965, thumela ikhophi yayo nesibawo sakho semvumo yokuletha ngenarheni izinto zeenlwana ebuNqophisini bokuPhila kuhle kweenLwana.
Nayikuthi umjovo sele utloliselwe ukusetjenziswa eSewula Afrika ngokuya komThetho weNomboro 36 waka-1947, utlhoga kuphela imvumo yinye yokuletha ngenarheni ebuya ebuNqophisini bokuPhila kuhle kweenLwana. Thumela ikhophi yokutloliswa ngokuya komThetho 36 waka-1937 nesibawo sakho.
Zalisa iforomo lesibawo elithi-Application for a permit to import vaccines into the Republic of South Africa. Thintana nobuNqophisi bokuPhila kuhle kweenLwana nayikuthi awunasiqiniseko sokobana uzalise liphi iforomo.
Udorhodera weenlwana wombuso ebuNqophisini bokuPhila kuhle kweenLwana uzakuthinta nayikuthi kufuneka elinye ilwazi begodu uzakwenza ihlolo yeengozi ukutjheja isibawo sakho.
Dibhozida imali yemvumo e-akhawuntini yebhanka yomNyango:
Igama lebhanka: Standard Bank of South Africa
Igama lomnikazi we-akhawunti: National Department of Agriculture
Inomboro ye-akhawunti: 011219556 International Band
Igatja: 010845
I-IB brand 0001982 Centre Code
I-Swift Code: SBZA-ZAJJ
Igama legatja: Arcadia
Isaziso esiqakathekileko: Ireferensi kufuze kube ligama nesibongo somuntu oletha ngenarheni. Ebujameni lapho wenzela omunye isibawo, sibawa uqinisekise bonyana ubhadela egameni lakhe namkha lekhamphani leyo.
Godu ungabhadela ngetjhege eyenziwe yabhadela umNqophisi woNyango wezokuLima, amaHlathi neenHlambi.
Iimbhadelo godu zingenziwa ema-ofisini womNyango wezokuLima, amaHlathi neenHlambi.
Nguwe okuzakufanela bona ubhadele iimali zebhanka kanye nalezo zamaBhanka wangaphandle; umNyango uzakukhupha imvumo nayikuthi imali epheleleko ifunyenwe.
Thumela iforomo elizalisiweko kanye nobufakazi bokubhadela ku:
The Director: Animal Health
Import Export Policy Unit
Private Bag X138
Pretoria
0001
South Africa
namkha feksela ku-012 329 8292 / VetPermits@daff.gov.za.
Sibawa utjho eforomini lesibawo ukobana ingabe imvumo uzakuza uzoyithatha namkha ufuna iposwe.
Ukulandela ukufunyanwa kweforomo elizalisiweko kanye nobufakazi bokubhadela, imVumo yokuLetha ngeNarheni yeenLwana izakukhutjhwa begodu ithunyelwe kuwe.

Tjheja: Akunasibawo esizakusetjenzwa ngaphandle kobufakazi bokubhadela. Ubufakazi bokudibhozida kufuze bufekselwe ku: 012 329 8292VetPermits@daff.gov.za.

Isikhathi esibekiweko

Nasele udorhodera wombuso e-ofisini lesitjhaba avume ukuletha ngenarheni, kuthatha amalanga wokusebenza amathathu ukuya kwamahlanu ukusebenzana naso nokukhupha imvumo yeenlwana.