Kha vha ite khumbelo ya thendelo sa Tshiimiswa tshi Vhuedzaho Tshitshavha (POB)

Arali vha tshi ṱoḓa uri khamphani yavho i tendeliwe sa Tshiimiswa tshi Vhuedzaho Tshitshavha (POB) vha tea u ita khumbelo kha Tshumelo ya Mbuelo ya Muthelo wa Afurika Tshipembe (SARS). 

U itela u tendelwa u shuma sa POB, tshiimiswa tshi tea u ṱanganyiswa kana u vha tsho thomiwa Afurika Tshipembe sa: 

• khamphani i sa shumeli malamba  ine ya vha na memorandamu  wa ṱhanganyelo sa ḽiṅwalo yo ḓisendekaho ngaḽo musi i tshi thomiwa      
• tshikwama tshine tsha vha  na ḽiṅwalo ḽi re mulayoni ḽine tsho ḓisendeka ngaḽo musi tshi tshi thomiwa .      
• dzangano ḽa vhathu ḽine ḽa vha na mulayotewa sa ḽiṅwalo ḽo ḓisendekaho ngaḽo musi ḽi tshi thomiwa.    

Tshiimiswa tshi ḓo tendelwa u sa badela muthelo arali zwo tendelwa nga Tshumelo ya Mbuelo ya Muthelo wa Afurika Tshipembe (SARS) na uri zwi tshi tshimbilelana na ṱhoḓea dzo tiwaho kha Mulayo wa Muthelo wa Mbuelo.     

Kha vha wane vhuṱanzi vhunzhi ngaha zwiimiswa zwi vhuedzaho tshitshavha kana vha kwame SARS kha 012  483 1700 kana teu@sars.gov.za.