Arali vha nga huvhala, vha farwa nga vhulwadze kana vha lovhela mushumoni, vhone kana vho ḓitikaho ngavho vha nga ita mbilo kha Tshikwama tsha Ndiliso.
Tshikwama tshi badela ndiliso kha vhashumi vha tshoṱhe na vha si vha tshoṱhe, vhane vha khou gudela mushumo vhane vha huvhala kana u farwa nga vhulwadze musi vha tshi khou shuma vha fhedza vha sa tsha hola zwo vhangwa nga izwo.
Vha nga ita mbilo arali:
- vha tshi shuma lwa tshoṱhe
- vha tshi shuma sa mulondoti wa boarding house kana vho tholwa kha bindu
- vha tshi kha vhugudela mushumo kana vha mushumi wa bulasini ane a kha ḓi tou guda
- vha mushumi a badelwaho nga zhendedzi ḽa vhashumi.
Vha nga si ite mbilo arali:
- vha tshi shuma muḓini
- vha muraḓo wa Mmbi ya Vhukuma ya Vhupileli ha Lushaka lwa Afurika Tshipembe vha tshi kha tshumelo ya vhupileli ha Riphabuḽiki, u ya nga khethekanyo 1 ya Mulayo wa Vhupileli, wa 1957
- vhe muraḓo wa Tshumelo ya Mapholisa Afurika Tshipembe vha tshi kha tshumelo ya vhupileli ya Riphabuḽiki, u ya nga khethekanyo 1 ya Mulayo wa Vhupileli, wa 1957
- vha mushumi asa shumiho fhasi ha ndango ya mutholi tsumbo, rakhonṱhiraka muṱuku. Vhatholi vhane vha thola rakhonṱhiraka muṱuku vho tsireledzea
- vha muṋe wa vhufarani ha bindu ḽi langwawo nga muthu muthihi
- vha mushumi o shumaho nnḓa ha Afurika Tshipembe lwa miṅwaha i fhiraho 12 vha songo ita thendelano na Mulanguli Muhulwane wa Muhasho wa zwa Vhashumi
- vho wanwa mulandu wa u sa ḓifara zwavhuḓi, nga nnḓani ha musi vho holefhala lo kalulaho kana vho vhulawa.
Kha vha dzhiele nṱha uri: Arali vhone, sa mushumi, vha lovha zwo vhangwa nga malwadze a elanaho na mushumo wavho kana khuvhalo, vho ḓitakaho nga vhone vhaya kona u ita mbilo kha tshikwama itsho.
Mbuelo dza Ndiliso a dzi nga badelwi arali:
- vha vhiga khombo kha mutholi nga murahu ha miṅwedzi ya 12 ya musi khombo, kana lufu, kana vhulwadze ho wanala
- vha fhedza maḓuvha mararu kana asa swiki ayo vha siho mushumoni, Tshikwama tshi ḓo vha badela nyalafho fhedzi
- khombo yo vha hone nga u sa londa havho kana zwiito zwavho zwi siho nḓilani (nga nnḓani ha musi vho tou holefhala zwa vhukuma kana vha lovha kha khombo iyo, zwo ralo Tshikwama tshi ḓo badela ndiliso)
- vho tou hana u wana nyalafho ya mishonga .
Kha vha wane zwinzhi ngaha u ita mbilo ya khuvhalo na malwadze a mushumoni kana vha kwame Tshikwama tsha Ndiliso.
