Tiyuniyoni ta vatirhi na mihlangano ya vathori swi nga ha endla xikombelo ku vumba tikhansele ta mpompelo.
Tikhansele ta mpompelo ti tirhana na mitwanano ya nhlanganelo, ti ololoxa mikwetlembetano ya vatirhi, ti tumbuluxa swikimi swo hambanahambana na ku nyika swibumabumelo hi mayelana na tipholisi na milawu ya vatirhi.
Rhumela xikombelo xa wena xa ntsariso wa khansele ya mpompelo (Application for Registration of Bargaining Council, Form LRA3.3) eka Registrar of Labour Relations, Department of Employment and Labour, Private Bag X117, Pretoria, 0001.
Khansele ya mpompelo yihi kumbe yihi yi nga ha tlhela yi teka xiboho ku hlanganisa kumbe ku katsanisa khansele ya mpompelo yin'wana yin'we kumbe kutlula. Endzhaku ka ku tsarisa khansele yintshwa, mutsarisi u herisa wun'wana na wun'wana wa ntsariso wa tikhansele ta mpompelo wo hambana.
Rhumela xikombelo xa wena xa nkatsaniso wa tikhansele ta mpompelo (Application for Registration of Amalgamated Bargaining Council, LRA3.11) eka Registrar of Labour Relations, Department of Employment and Labour, Private Bag X117, Pretoria, 0001.
Kumisisa swo tala hi ku tihlanganisa na Ndzawulo ya Mitirho na Vatirhi.
