Xikombelo xa ntsariso wa movha

Hi ku rhijisitara movha wa wena

Loko u ri na vun'winyi bya movha wuntshwa, lowu a wu ri wa un'wana, lowu akiweke kumbe lowu nga pfuxiwa hi vuntshwa, u fanele ku wu tsarisa eka vulawuri lebyi faneleke leswaku u ta kuma xitifikheti xa ntsariso. Loko ku ri leswaku movha i wa bangi, bangi hi yona yi nga na vun'winyi. Loko wu tsarisiwile wu tlhela wu va na layisense, u ta nyikiwa disiki ya layisense ya movha.

U fanele ku tsarisa na ku kuma layisense ya movha wa wena ku nga se hela 21 wa  masiku endzhaku ka ku cinciwa ka vun'winyi. Loko u nga wu tsarisi, u ta boheka ku hakela tihakelo leti saleleke endzhaku xikan'we na ndziho. Ntsariso wa movha wu nghenisiwa eka Sisiteme ya Rixaka ya Vuxokoxoko bya Swifambo (eNaTIS).

Ntsariso wa movha wa wena wa herisiwa no ka wu nga ha tirhi loko:

• disiki ya movha yi nga pfuxetiwangi ku tlula malembe ya mune
• movha wu vile enghozini ivi wu kumeka leswaku a wa ha ringanelenga ku va wu tirhisiwa 
• u xavisile movha (u cinca vun'winyi)
• movha wa wena wu tekiwile hi vinyi va wona ku tlula masiku ya 31 
• ku humesiwile xitifikheti xo sula ntsariso.

Leswi u faneleke ku swi endla

1. Ku tsarisa movha lowuntshwa, yana eka vulawuri bya ntsariso lebyi faneleke u yisa leswi swi landzelaka:
   • pasi ra wena (ID)
   • Papila ra ku tiyisisa laha u tshamaka kona na ra poso xik. papila ta akhawunti ya ka masipala. Loko akhawunti ya ka masipala yi nga ri hi vito ra wena, n’winyi wa akhawunti u fanele ku endla afidavhiti a kombisa leswaku u tshama eka kherefu leyi nga tsariwa naswona akhawunti yi fanele yi khomanisiwa na afidavhiti.
   • xitifikheti xa vumaki lexi xi nga na vuxokoxoko lebyi faneleke bya movha 
   • xitifikheti xo lulamela ku famba epatwini, loko movha wu ri lori (kumbe Sisiteme ya Nkoka ya Vutleketli bya Patu (RTQS).
2. Tata fomo ya Xikombelo xa Ntsariso na Layisense ya Movha (RLV).

Tsarisa movha lowu a wu ri wa un'wana:

1. Ku tsarisa movha lowu a wu ri wa un'wana (wa khale), muxavisi u fanele ku sungula a tata na ku yisa fomo ya Xitiviso xa ku cinca vun'winyi (NCO),  leyi yi nyikaka xitiviso xa ku cinca vun'winyi
2. Yana eka vulawuri lebyi byi faneleke bya ntsariso wa mimovha u yisa leswi swi landzelaka:
   • pasi ra wena (ID)
   • xitifikheti xa ntsariso wa movha (lexi nga na mavito ya muxavisi) 
   • xitifikheti xa mpfumelelo wo famba epatwini loko ku ri leswaku xitifikheti xa sweswi i xa vukhale byo tlula masiku ya 60 
   • vumbhoni bya ku xava movha 
   • layisense ya movha leyi nga nawini (tiyisisa leswaku tihakelo ta layisense ya movha ti hakeriwile).
3. Tata fomo ya Xikombelo xa Ntsariso na Layisense ya Movha (RLV).

Tsarisa movha lowu wu nga akiwa hi swiphemuphemu:

1. Ku tsarisa movha wo akiwa hi swiphemuphemu, yana eka vulawuri bya ntsariso wa movha bya le kusuhi kutani u yisa leswi landzelaka:
   • pasi ra wena (ID)
   • afidavhiti leyi yi tiyisisaka laha swiphemu swi humaka kona na leswi swi nga endliwa emovheni (fomo ya SOA)
   • xikombelo xa papila ra le maphoriseni (fomo RPC) 
   • xikombelo xa vutitivisi bya phorisa (fomo RPI) 
   • xitifikheti xo sula ntsariso (loko movha wu suriwile eka ntsariso) 
   • xitifikheti xa ntiko wa movha (ku pima ntiko) 
   • vumbhoni bya vun'winyi
   • papila ra vulawuri (loko ri laveka)
2. Desika ro pfuna ra xifundzankulu ri ta nghenisa rhekhodo ya movha eka eNaTIS
3. xikombelo xa fomo ya papila ra le maphoriseni (fomo RPC) xi fanele ku yisiwa
4. xikambelo xa mpfumelelo wo famba epatwini xi fanele ku endliwa eka movha
5. Tata fomo ya Xikombelo xa Ntsariso na Layisense ya Movha (RLV).

Tsarisa movha wa wena lowu nga cinciwa:

1. Ku tsarisa movha lowu nga cinciwa, yana eka vulawuri bya ntsariso wa swifambo wa le kusuhi u yisa leswi:
   • pasi ra wena (ID)
   • afidavhiti leyi yi tiyisisaka laha swiphemu swi humaka kona na leswi swi nga endliwa emovheni (fomo ya SOA) 
   • xikombelo xa papila ra le maphoriseni (fomo RPC) 
   • xikombelo xa vutitivisi bya phorisa (fomo RPI) 
   • xitifikheti xo sula ntsariso (loko movha wu suriwile eka ntsariso) 
   • xitifikheti xa ntiko wa movha (ku pima ntiko) 
   • vumbhoni bya vun'winyi  
   • xitifikheti xa mpfumelelo wo tirhisa patu 
   • papila ra vulawuri (loko ri laveka).

Xitifikheti xa vumaki kumbe xitifikheti xa ntsariso kumbe afidavhiti loko ku ri leswaku xitifikheti xa ntsariso a xi kona. Tata fomo ya Xikombelo xa Ntsariso na Layisense ya Movha (RLV).

Leswi u faneleke ku swi endla

Xikombelo xi humelerisiwa hi siku rero.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

Tifomo ta kumeka eka hofisi yo rhijisitara movha kumbe u nga ha ti dawuniloda ku suka eka webusayiti ya eNaTIS.

Vuxokoxoko bya vutihlanganisi