Phetolo ya monga koloi kapa dintlha tsa monga koloi

Dintlha Ka hofetola monga le/kapa dintlha tsa monga koloi

Phetoho dintlheng tsa monga koloi kapa mabitsong a ngodiso e tlameha ho tsebiswa ba ngodiso ya makoloi nakong ya matsatsi a 21 kamora phetoho ya mofuta oo ho sebediswa foromo ya NCP (Tsebiso ya phetolo ya aterese kapa dintlha tsa motho kapa mokgatlo).

Ha o rekisa koloi ya hao, o tlameha ho tsebisa ba ngodiso ya makoloi ka foromo ya NCO (Tsebiso ya ho fetola/Thekiso ya koloi) mme monga koloi e motjha o tlameha ho ngodisa koloi mabitsong a hae.

O fetola jwang mabitso le dintlha tse ding tsa monga koloi

1. Eya sebakeng se haufi le wena sa ngodiso ya makoloi.
2. Ha o fetola aterese ya hao, o tlameha ho tla le tse latelang:
   • Kopi ya bukana ya boitsibiso (pasa) ha o le MoAforika Borwa. Ha o le letswantle, o tlameha ho tla ka kopi mmoho le mohlodi wa yona tse ntshitsweng ke naha eo o tswang ho yona le lengolo la tumello ya ho dula nakwana Aforika Borwa.
   • Bopaki ba aterese ya poso le ya moo o dulang; mohlala, lengolo la akhaonte ya tshebeletso. Haeba lengolo la tshebeletso le se lebitsong la hao, monga lengolo o tlameha ho etsa lengolo le hlapanyeditsweng le hlalosang hore wena o dula atereseng eo, mme lengolo la tshebeletso le tlameha ho qhwaellwa lengolong leo le hlapanyeditsweng.
3. Ha o le moahi wa Aforika Borwa, o tlameha ho tlatsa le nehalana ka foromo ya NCP fela. Ha ole lentswa ntle, o tlameha ho tlatsa diforomo ka bobedi, ya NCP le ANR (Tsebiso ho ya ka Nomoro ya Ngodisetso ya Sephethephethe).
4. Ha o rekisa koloi:
   • Morekisi wa koloi o tlameha ho tlatsa foromo ya NCO mme a e lebise sebakeng sa ngodiso ya makoloi.
   • Morekisi wa koloi o tlameha ho nehelana ka lengolo la bopaki ba ngodiso ho ya rekang koloi.
   • Moreki wa koloi o tlameha ho tlatsa foromo ya RLV (Kopo ya ngodiso le ho laesensa koloi).
   • Moreki wa koloi o tlameha ho hlahisa lengolo la bopaki ba ngodiso ebang koloi ene e ngodisitswe Aforika Borwa. 
5. Lengolo la bopaki ba boima ba koloi ebang ho bile le diphetoho tse entsweng koloing. 
6. Moreki wa koloi o tlameha ho nehalana ka diforomo sebakeng sa ngodiso ya makoloi nakong ya matsatsi a 21 kamora ho reka koloi mmoho le foromo ya ngodiso a e fumaneng ho morekisi wa koloi le lengolo la bopaki ba ho lokela tsela le ntseng le sebetsa (ke boikarabelo ba moreki wa koloi ho netefatsa hore koloi e loketse tsela).
7. Ha koloi e ngodisitswe ka tlasa khampani, o ntse o tlameha ho nehalana ka lengolo la bopaki ba kopanelo kapa ho fetoha ha lebitso jwaloka ha ho hlalositswe dipehelong tsa Molao wa Dikgwebo mmoho le setatamente sa setheo kapa lengolo la bopaki ba ho fetolwa ha lebitso jwaloka ha ho hlalositswe dipehelong tsa Molao wa Dikgwebo tse kopanetsweng ebang koloi etlo ngodisetswa kgwebo e kopanetsweng.
8. Ba sebakeng sa ngodiso ba tla hlahlobo kopo ya hao mme o tla lefa ditjeo jwaloka ha di behilwe ke profensi ya hao.
9. Ho ka etsahala hore ba sebaka sa ngodiso ba hloke bopaki ba tokelo ya ho o ngodisa jwaloka monga koloi eo ho shebanweng le yona, ho teya mohlala, bopaki ba ditefello, tumellano ya thekisetso, jwalojwalo. Ho eletswa hore o letsetse setsi sa mehala se haufi le wena kapa sebaka sa ngodiso ya makoloi ho fumana hore ya dumellana le kopo ya hao kapa ba hloka ditokamane tse ding tsa ho paka.

Nako ya tshebetso

Kopo etla sebetswa letsatsing leo o e tlisitseng ka lona.

Ditjeo ke bokae

Tshebeletso ena ke mahala. Le ha ho lejwala, hona le ditjeo tsa ho ngodisa le ho fumana laesense ya koloi.

Diforomo tse tlatswang

• Notice of change of particulars (NCP) (Tsebiso ya phetholo ya dintlha)
• Application for registration and licensing (RLV) (Kopo ya ho ngodisa le ho fumana laesense)
• Notice of change of ownership/Sale of motor vehicle (NCO) (Tsebiso ya ho fetola monga koloi/Thekiso ya koloi)
• Notice in respect of traffic register number (ANR)

Diforomo di fumaneha sebakeng sa ngodiso ya makoli kapa o ka difumana websieteng ya eNaTIS.

Dintlha tsa ho iteanya