Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Dintlha ka go ngodisa monontsha wa Sehlopha sa 1
Ho hlahisa kapa ho rekisa monontsha wa Sehlopha sa 1 o tlameha ho ngodisa le Mongodisi ho ya ka Molao wa 36 wa 1947. Monontsha wa Sehlopha sa 1 o na le naetrojene (N), fosforuse (P) kapa potasiamo (k) tse fetang 100 g/kg e le metswako e meholo. Di boetse di tsebahala jwaloka monontsha e seng ya organiki.
O tlameha ho ba moahi wa Aforika Borwa kapa motho wa molao ya nang le ofisi Aforika Borwa ho fumana tumello.
Ebang monontsha oo o batlang ho o ngodisa o se o ngodisitswe ke motho e mong, o tlameha ho fumana lengolo la tumello ho tswa motho eo pele ho ngodiso.
O tlameha ho isa monontsha wa hao labodatring e dumelletsweng pele o nehelana ka kopo ya hao.
Labodatri e tla etsa diteko le ho hlahloba monontsha mme e o fe sethifikhate sa tlhahlobo. Kopong ya hao ho Mongodise, o tlameha ho hlomathisa sethifikhate sa tlhahlobo. Mongodisi a ke ke a ananela kopo ya hao ntle le sethifikhate sa tlhahlobo ho tswa labodatring e dumelletsweng.
Hlokomela: O tlameha ho ntjhafatsa ngodiso ya hao kamora dilemo tse ding le tse ding tse tharo pele ho la 31 Tshitwe.
O lokela ho etsang
- Isa monontsha labodatring e dumelletsweng bakeng sa tlhahlobo le ho fumana sethifikhate sa tlhahlobo.
- Ngolla Mongodisi lengolo le etellang ditaba pele. Lengolo la hao le tlameha ho kenyeletsa ntlha tse latelang:
- lebitso la monontsha
- nomoro ya ngodiso ya monontsha ebang o ne o se o ngodisitswe le lebaka la kopo (mohlala: o kenya monontsha o mong kopong e seng e ngodisitswe)
- o na le lengolo la tumello ebang monontsha o ne o se o ngodisitswe ke motho e mong
- o na le sethifikhate sa tlhahlobo
- o patetse tjhelete yohle le referense. Se na ha se sebetse ebang o ikiseditse kopo ka bowena mme o patetse tjhelete e behilweng kontane ho ba Lefapha la Temothuo, Meru le Botshwasi (DAFF).
- Hula mme o tlatse foromo ya kopo e tlase ka botlalo, o kenyeletsa sehlahiswa le dintlha tsa tlhahiso.
- Hlomathisa lengolo le etellang ditaba pele, leibole ya sehlahiswa, Sethifikhate sa Kopantsho le sethifikhate sa labodatri foromong ya kopo ya hao. Etsa kopi e le nngwe ya foromo.
- Nehelana ka foromo ya kopo e tsamaya le kopi (foromo le kopi ya teng) mmoho le ditokomane tse hlomathisitsweng ho: The Registrar: Act No. 36 of 1947, Private Bag X343, Pretoria, 0001 kapa o ka ikisetsa yona ka bo wena ho: The Registrar: Act No. 36 of 1947, Agriculture Place, 20 Beatrix Street, Arcadia Pretoria
- Patala tjhelete e behilweng ka tjheke, order ya poso, order ya tjhelete ho Molaodi-Kakaretso: Lefapaha la Temothuo, Meru le Botshwasi. Ebang o tlo itlisetsa kopo ya hao le tjhelete ya ho etsa kopo, o tlameha ho netefatsa hore o fumana bopaki ba ho lefa. Ha o sebedisa Akhaonto ya Transefere ya Elektroniki, o tlameha ho patalla akhaontong e latelang:
- Lebitso la akhaonto: NDA-ACT36 of 1947
Nomoro ya akhaonto: 11 2031 02
Referense: Lebitso la khampani, khoutu ya branch: 01 0845, Lebitso la Banka: Standard Bank.
Nako ya tshebetso
Dikgwedi tse tharo ho isa ho tse tsheletseng.
Ditjeo ke bokae
Diforomo tse tlatswang
Application for the Registration of a Group 1 Fertilizer (Kopo ya Ngodiso ya Monontsha wa Sehlopha sa 1).
Dintlha tsa ho iteanya
Directorate Agriculture Inputs Control
Tel: 012 319 7103/7847
E-mail: AICHelpdesk@daff.gov.za
Physical address: 20 Steve Biko Street, Arcadia, Pretoria
Postal address: Department of Agriculture, Land Reform and Rural Development, Private Bag X343, Pretoria 0001