Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekufaka sicelo semvumo yekutfumela ngaphandle timphahla
Kutfumela timphahla letitsite ngaphandle kweNingizimu Afrika, kumele ube nemvumo kucinisekisa kwekutsi utfobela imitsetfo yekulawula kutfunyelwa kwetimphahla ngaphandle.
Kutfunyelwa ngaphandle kwaletinye timphahla kungenteka kutsi kungavunyelwa kute kwesekelwe emasu ekuzuzisa nobe kusita bakhiciti bendzawo kutfola timphahla letingakasetjentwa ngaphambi kwekutsi titfunyelwe ngaphandle.
Imvumo yekutfumela ngaphandle idzingakala kwekutsi kucinisekiswe kutsi timphahla letitfunyelwa ngumuntfu nobe yinhlangano titfobela imibandzela yetivumelwano temave emhlaba. Timvumo tekutfumela ngaphandle tiphindze tisite kulawula kuphuma kwetimphahla teluhlobo lolutsite nobe timphahla temgugu kumbe letintjontjiwe.
Inchubomgomo lesebenta ekutfunyelweni ngaphandle kwetimphahla yehlukile kumkhakha ngemkhakha. Uma idzinga inchubomgomo macondzana nekutfunyelwa ngaphandle kwetimphahla letitsite, kumele unikete lihhovisi Lekulawula Kungena Nekuphuma kwetimphahla kuKhomishini Yekuphatsa Kwehwebelana Nemave Emhlaba (i-ITAC) imininingwane yetimphahla lofuna kutitfumela ngaphandle.
Akusito tonkhe timphahla letingena eveni letilawulwako. Luhlu lwetimphahla tekutfunyelwa ngaphandle letilawulwako luyatfolakala ku-ITAC kantsi lungatfunyelwa kuwe, lufekswe nobe lutfunyelwe nge-imeyili ngekucela.
Yini lekumele uyente
- Shayela lihhovisi Lekulawula Kungena Nekuphuma kwetimphahla ku: 086 184 3384 nobe bhalela Umphatsi Lomkhulu: Kungena Nekuphuma Kwetimphahla, Private Bag x192, Pretoria bese uniketa imininingwane yakho yekuchumana kutsi i-ITAC ikhone kukutfumela emafomu.
- Khipha lamafomu lalandzelako ku-inthanethi bese uyawagcwalisa.
- Tfumela emafomu kuLuphiko: Kungena Nekuphuma Kwetimphahla.
Sikhatsi semsebenti
Kungatsa emalanga lamatsatfu kusebenta ngesicelo sakho semvumo yekutfumela ngaphandle.
Emafomu lagcwaliswako
- Form IE230: Application to register as an Exporter or Change of current information
- Form IE361: Export Permit General goods
- Form IE362: Export Permit for Motor Vehicles
- Form IE363: Export permit Waste and Scrap metal
Ngubani longamutsintsa
Export Control | |
Tel: | 0861 843 384 / 012 394 3590/1 |
Physical address | The Import and Export Unit, International Trade Administration Commission, 77 Meintjies Street, Block D, Sunnyside, Pretoria, 0001 |
Postal address | Import and Export Control, Private Bag X192, Pretoria, 0001 |
Web address | http://www.itac.org.za |