Ge e le gore o tšhabile nageng ya geno ka go tšhaba go tlaišwa, gomme o se na dimpapiri tša semolao tša go swana le phasephote goba visa, o swanetše go dira kgopelo ya phemiti ya mokgopedi wa bofaladi Kantorong ya kgauswi ya Kamogelo ya Bafaladi (RRO).
Phemiti ya mokgopedi wa botšhabelo ke phemiti ya lebakanyana ye o fiwago yona go emetšwe sephetho sa kgopelo ya gago ya go go fa maemo a botšhabelo goba a bofaladi.
Ge kgopelo ya gago ya botšhabelo e dumeletšwe, o tla fiwa phemiti ya Karolo ya 24 (ye gape e tsebjago bjalo ka “Phemiti ya Mofaladi”) yeo e go šupago semmušo bjalo ka mofaladi gomme e ba molaong mengwaga ye mebedi.
O ka dira kgopelo ya phemiti ya madulo a sa ruri ge e le gore o dutše ka Afrika Borwa mengwaga ya go feta ye mehlano o na le phemiti ya maemo a bofaladi.
Hwetša dintlha ka botlalo mabapi le go dira kgopelo ya maemo a bakgopedi ba bofaladi goba ba botšhabelo goba ikgokaganye le Kgporo ya Merero ya Selegae.
