Taelo ya tlhokomelo ke tlamego ya go hlokomela motho yo mongwe, go fa mohlala, ya go hlokomela ngwana, ka madulo, dijo, diaparo, thuto le tlhokomelo ya kalafo, goba ka mekgwa ye e hlokagalago go hlokomela motho yoo ka dilo tše. Boikarabelo bjo bja semolao bja taelo ya go hlokomela ngwana bo bitšwa ‘boikarabelo bja tlhokomelo’ goba ‘boikarabelo bja go hlokomela’.
Ngwana o swanetše go fiwa tlhokomelo goba a hlokomelwe ke batswadi goba ke bomakgolo ba gagwe gomme taelo ya go hlokomela ngwana e ka dirwa go ba gapeletša go dira bjalo.
Hwetša tše ntši ka ga go hwetša taelo ya go hlokomela ngwana goba ikgokaganye le Kgoro ya Toka le Tlhabollo ya Molaotheo mo go 012 315 1512.
