Go reka bjala nageng ya ka ntle

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga malebana le go reka bjala nageng ya ka ntle

Ge o nyaka go reka bjala goba ditšweletšwa tša bjala nageng ya ka ntle ka bontši goba mabotlelo (ntle le go akaretša piri) go di tliša ka mo Afrika Borwa o swanetše go ba le setifikeiti sa go reka nageng ya ka ntle pele ditšweletšwa tša gago tša bjala di ka lokollelwa go tšewa matsenong a naga.

O dira kgopelo ya setifikeiti sa go reka nageng ya ka ntle gatee, morago ga fao nomoro yona yeo ya setifikeiti sa go reka nageng ya ka ntle se ka šomišwa ge e le gore tlhamo, diteng, bogolo bja lebotlelo le leibole ya setšweletšwa ga e fetoge.

Seo o swanetšego go se dira

1. Taonelouta foromo ya kgopelo gomme o e tlatše.
2. Romela foromo ya kgopelo le sešupo sa bonnyane 750ml ya setšweletšwa se o nyakago go se reka nageng ya ka ntle kantorong ya Karolo ya Ditšweletšwa tša Bjala ka poso go Private Bag X5015, Stellenbosch, 7599 goba e tliše ka seatla go Plant Quarantine Station, FSQA, Polkadraai Road, Stellenbosch.
3. Ge o nyaka go reka nageng ya ka ntle ka mabotlelo, o swanetše go tliša sešupo se se loketšwego ka gare ga lebotlelo ya tlhago leo le tlogo šomišwa ge o rekiša. Leibole godimo ga lebotlelo e tla hlahlobja go kgonthišiša gore e kgotsofatša dinyakwa tša Molao wa Ditšweletšwa tša Bjala, 1989.
4. Ge o reka bjala nageng ya ka ntle ka bontši o swanetše go tliša le sešupo ka gare ga lebotlelo la tlwaelo la 750ml. Lebotlelo ga le a swanela go ba la tlhago leo le tlogo šomišwa go rekišetša gobane ke fela diteng tša bjala tše di tlogo hlahlobja.
5. Lefa tšhelete ye o e beetšwego (ka tšhelete ya seatleng fela).
6. Pele o tsentšha ditšweletšwa tša bjala tša go rekwa nageng ya ka ntle ka mo Afrika Borwa, o swanetše go fa Karolo ya Bolekodi bja Boleng tsebišo ya diiri tše 48.
7. Mo matsenong a naga, dira kgopelo ya tumelelo ya go tloša bjala go tloga matsenong a naga go bo iša mo o nyakago go bo rekišetša gona ka mo Afrika Borwa.

Lebaka

Ga go na nako ye e beetšwego tirelo ye.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Application for an import certificate

Dintlha tša boikopanyo