Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Ka ga laesense ya go ithuta go otlela
Laesense ya go ithuta go otlela e go dumella go otlela ge fela o le ka fase ga tlhokomelo ya motho yo a nago le laesense ya go otlela. Ge e le gore mohuta wa koloi ye o e otlelago e nyaka gore o be le phemiti ya seprofešenale, motho yo a go hlokometšego ge o tlela le yena o swanetše go ba le phemiti yeo ya seprofešenale.
Laesense ya go ithuta go otlela ke laesense yeo e hlatselago gore o na le tsebo ya motheo ya go otlela le ya melao ya tsela. Yona e šoma lebaka la dikgwedi tše 24 gomme nako yeo ga e kgone go oketšwa.
Dikhouto tša dilaesense tša go ithuta go otlela di arotšwe ka magoro a go fapana a difatanaga:
- Khoutu ya 1: Ye ke ya dithuthuthu tša maotwana a mabedi, a mararo goba a mane. O swanetše go ba le mengwaga ye 16 gore o dire kgopelo ya laesense ya sethuthuthu sa go se fete 125cc, mola e le gore ge o nyaka laesense ya sethuthuthu sa go feta 125cc o swanetše go ba le mengwaga ye 18 goba go feta.
- Khoutu ya 2: Ye ke ya difatanaga, go akaretšwa le khombi, pese goba koloi ya dithoto ya boima bja go fihla 3 500kg. O swanetše go ba le mengwaga ye 17 gore o dire o kgopelo.
- Khoutu ya 3: Ye ke ya sefatanaga sa boima bja go fihla 3 500kg. O swanetše go ba le mengwaga ye 18 goba go feta gore o kgone go dira kgopelo ya yona.
Seo o swanetšego go se dira
- Eya seteišeneng sa kgauswi sa dilaesense tša go otlela (DLTC) gore o kgone go beeletša letšatši.
- Eya o o swere:
- pukwana ya Boitsebišo (ID)
- diswantšho tše pedi tša boso le bošweu
- tšhelete ya tefo.
- Tlatša fomo ya Kgopelo ya laesense ya go ithuta go otlela (LL1), ye e hwetšagalago DLTC. Ge o na le mengwaga ye 65 goba go feta, o swanetše go tlatša fomo ya Setifikeitisa ngaka (MC), ye le yona e hwetšagalago ofising ya DLTC.
- O tlo dirwa diteko tša mahlo goba o ka yo di dira ngakeng efe le efe ya mahlo gomme wa boa le pego yeo ya ngaka gore o e fe bašomedi sa seteišene.
- Pele o yo ngwala tlhahlobo, o swanetše go ba le tsebo ya motheo ya go otlela koloi le maswao a tsela. Ka gona, o swanetše go ithuta maswao a tsela, taolo ya koloi pele o yo tsenela diteko.
- Ka letšatši la diteko o swanetše go fana ka:
- Rasiti ya go beeletša letšatši go hlatsela gore o beeleditše letšatši leo
- ID ya gago.
- Ge o tšweletše o tlo lefa tšhelete ye e beilwego.
E dira tshenyagelo ya bokae
Ikgokaganye le kantoro ya tikologo ya geno ya dilaesense go tseba ka ga ditefo.
Diforomo tšeo di swanetšwego go tlatšwa
- Fomo ya kgopelo ya laesense ya go ithuta go otlela (LL1)
- Mokgopedi yo a nago le mengwaga ye 60 goba go feta o swanetše go fana ka Setifikeiti sa ngaka (MC)
Difomo di hwetšagala senthareng ye nngwe le ye nngwe ya eNatis.
Dintlha tša boikopanyo
- City of Johannesburg
- City of Tshwane
- City of Cape Town
- Nelson Mandela Bay
- Eastern Cape municipalities
- Free State municipalities
- Gauteng municipalities
- KwaZulu-Natal municipalities
- Limpopo municipalities
- Mpumalanga municipalities
- North West municipalities
- Northern Cape municipalities
- Western Cape municipalities