O swanetše go ngwadiša matswalo a ngwana wa gago mo matšatšing a 30 ka morago ga pelego ya gagwe. Matswalo a ngwana a ka ngwadišwa ke motswadi, mohlokomedi wa ngwana goba motho ofe goba ofe yo a rwelego maikarabelo a semolao go ngwana ka kantorong ya Kgoro ya Merero ya Selegae. Ge e le gore o dinageng tše dingwe, matswalo a ngwana a ka ngwadišwa ntlong ya botseta ya kgauswi le wena.
Go ngwadiša matswalo a ngwana ka morago ga matšatši a 30 go bonwa bjalo ka ngwadišo ye e fetilwego ke nako gomme go tla hlokagala dinyakwa tša tlaleletšo.
Ge matswalo a ngwana a ngwadišitšwe, setifikeiti sa matswalo seo se sego sa kopanafatšwa se abja ka ntle le tefo. O ka dira kgopelo ya disetifikeiti tša matswalo tša tlaleletšo tšeo di sego tša kopanafatšwa, gomme o tla swanelwa ke go di lefela. Setifikeiti sa matswalo seo se sego sa kopanafatšwa se a nyakega ge e le gore o nyaka go ya dinageng tše dingwe le ngwana wa gago.
Hwetša tshedimošo ka botlalo mabapi le ka fao o ka ngwadišago matswalo a ngwana, goba ikgokaganye le Kgoro ya Merero ya Selegae
