Tlolisa njengotitjhere
Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Ungutitjhere ofanelekileko ofuna umsebenzi eSewula Afrika? Ukuze ukwazi ukufundisa eSewula Afrika kumele uthome ngokutlolisa kumKhandlu waboTitjhere eSewula Afrika (South African Council for Educators) i-SACE.
Angekhe waqatjhwa njengotitjhere nangabe awukatlolisi ne-SACE. Iziqu zakho kumele zamukelwe bonyana ungaqatjhwa ekufundiseni ngaphambi kobana utlolise ne-SACE. Uzakubhadala imbadelo yobulunga qobe nyanga.
Nangabe iziqu zakho ngezangaphandle, kumele uhlolwe mKhandlu wezeZiqu weSewula Afrika (South African Qualifications Authority) i-SAQA namkha umNyango weSitjhaba weFundo ePhakeme neBandulo (National Department of Higher Education and Training) i-(DHET) ngaphambi kobana utlolise ne-SACE.
Tjheja: I-SAQA ayihloli iziqu ukuze uqatjhwe ebizelweni elithileko
- Zalisa iforomo lesibawo (SACE application form).
- Kumele ulethe okulandelako:
- amakhophi aqinisekisiweko weziqu zakho kunye nemiphumela ezeleko yeziqu lezo
- ikhophi eqinisekisiweko kamazisi
- ikhophi eqinisekisiweko yesitifiketi somtjhado (nakufunekako)
- imbadelo yokutlolisa
Izakhamuzi ezingasizo zeSewula Afrika:
Nangabe awusiso isakhamuzi seSewula Afrika, kumele ulethe amarekhodi weziqu zakho kumnyango wezefundo wephrovinsi lapho ukhona. Umyango wephrovinsi uzakusa imitlolo yakho kusiGaba sokuHlola iziqu namaHlelo waboTitjhere (Section Evaluation of Educator Qualifications and Programmes) kumNyango weFundo ePhakeme neBandulo (Department of Higher Education and Training). Kumele ulethe nalokhu okulandelako:
- iripoti yokuhlola evela kwa-SAQA namkha
- iripoti yokuhlola ukuqatjhwa ekufundiseni evela kwa-National DHET: Ikoro yeziqu zabotitjhere kunye namahlelo (Educator Qualifications and Programmes section)
- isitjengiso sokuba sisakhamuzi sasafuthi kunye nomazisi ongasiwo weSewula Afrika
- isitjengiso sokobana uqatjhiwe namkha uzakuqatjhwa esikolweni eSewula Afrika.
Nasele ikambiso yokuhlola idlulile kuzakukhitjhwa isitifiketi sithunyelwe kumnyango wefundo wephrovinsi lapho uthumele khona imitlolo yakho. Bazakutlolela bakwazise ngemiphumela yesibawo sakho.
- Nangabe usisakhamuzi seSewula Afrika ukutlolisa kuzakuthatha iimveke ezisithandathu.
- Nangabe ubuya ngaphandle, ukutlolisa kuzakuthatha iinyanga ezintathu.
I-Ofisi lesiTjhaba
I-Phrovinsi: Gauteng
Idorobha: Pretoria
Umtato: 012 663 9517
I-feksi: 012 663 9238
I-adresi yendawo: South African Council for Educators (SACE), 261 West Street, Centurion, 0046 I-adresi yokuposa: Private Bag X127, Centurion, 0046