Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha ha u ṅwalisa goloi yavho
Arali vha muthu are na pfanelo dza u langa tshiendisi tshiswa, tshe tsha vha tshi tsha muṅwe, tsho tou fhaṱwaho kana tsho tou fhaṱiwaho hafhu, vha tea u tshi ṅwalisa kha vha mannḓalanga a zwa u ḓiṅwalisa u wana ṱhanziela ya u ḓiṅwalisa. Arali tshiendisi tsho lambedzwa, pfanelo dza u langa dzi vha dzi kha tshiimiswa tsha masheleni. Musi tsho no ṅwaliswa na u vha na ḽaisentse, vha ḓo wana disiki ya ḽaisentse ya tshiendisi tshavho.
Vha fanela u ṅwalisa na u wana ḽaisentse ya tshiendisi tshavho hu sa athu u fhela maḓuvha a 21 a u shandukisa vhuṋe. Arali vha sa i ṅwalisa, vha ḓo badela dziariasi na ndaṱiso. U ṅwaliswa ha tshiendisi hu rekhodwa kha Sisiṱeme ya Mafhungo a zwa Vhuendi ha Lushaka (eNaTIS).
U ṅwaliswa ha tshiendisi tshavho a hu ambi tshithu arali:
- disiki ya ḽaisentse ya tshiendisi tshavho i songo vusuludzwa lwa miṅwaha ine ya fhira miṋa
- tshiendisi tsho wana khombo tsha dzhiiwa sa tshi songo tsha lugelaho u shumiswa lwa tshoṱhe
- vho rengisa tshiendisi (u shandukisa vhuṋe)
- tshiendisi tshavho tsho dzhiiwa murahu lwa maḓuvha ane a fhira 31
- ṱhanziela ya u bviswa kha u ḓiṅwaliswa yo ṋetshedzwa.
Zwine vha tea u ita
Zwine vha fanela u ita u Ṅwalisa tshiendisi tshiswa:
- Vha tshi ṅwalisa tshiendisi tshiswa, vha ya kha vha mannḓalanga a zwa u ḓinwalisa o teaho vha ṋetshedza zwi tevhelaho:
- ḽiṅwalo ḽavho ḽa vhuṋe (ID)
- Vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa.
- ṱhanziela ya mubveledzi ine ya vha na zwidodombedzwa zwo teaho zwa tshiendisi
- ṱhanziela ya u lugela u tshimbila badani, arali tshiendisi tshi tshi hwala zwithu zwi no lemela [kana Sisiṱeme ya Ndeme ya Vhuendi ha Badani (RTQS)].
- Kha vha ḓadze fomo ya (RLV) Khumbelo ya u Ṅwalisa na Ḽaisentse ya Tshiendisi
U ṅwalisa tshiendisi tsho no shumaho:
- U ṅwalisa tshiendisi tshe tsha vha tshi tsha muṅwe (u shuma), murengisi u fanela u thoma a ḓadza na u ṋetshedza fomo ya (NCO) Nḓivhadzo ya u shandukisa vhuṋe ha tshithu, ine ya ṋetshedza nḓivhadzo ya u shandukisa vhuṋe ha tshithu
- Kha vha ye kha vha mannḓalanga a zwa u ṅwalisa tshiendisi vho teaho vha ṋetshedze zwi tevhelaho:
- ḽiṅwalo ḽavho ḽa vhuṋe (ID)
- ṱhanziela ya u ṅwalisa tshiendisi (nga madzina a murengisi)
- ṱhanziela ya u lugela u tshimbila badani arali ṱhanziela ya zwino ina maḓuvha a no fhira 60
- vhuṱanzi ha u renga tshiendisi
- ḽaisentse ya tshiendisi ine ya shuma (kha vha vhone zwa uri mitengo ya ḽaisentse ya tshiendisi i tshifhingani).
- Kha vha ḓadze fomo (RLV) ya u ṅwalisa na ḽaisentse ya tshiendisi.
Kha vha ṅwalise tshiendisi tsho fhaṱwaho nga zwipiḓa:
- U ṅwalisa tshiendisi tsho fhaṱwaho nga zwipiḓa, kha vha ye kha vha mannḓalanga a u ṅwalisa tshiendisi a tsinisa na ha havho vha ṋetshedze zwi tevhelaho:
- ḽiṅwalo ḽavho ḽa vhuṋe (ID)
- afidaviti ine ya khwaṱhisedza uri zwipiḓa zwi bva ngafhi na hone ho itwani kha tshiendisi (fomo SOA)
- khumbelo ya thendelo ya mapholisa (fomo ya RPC)
- khumbelo ya u topolwa nga mapholisa (fomo ya RPI)
- ṱhanziela ya u bviswa kha u ḓiṅwaliswa (arali tshiendisi tsho so ngo tsha ṅwaliswa)
- ṱhanziela ya tshikalo tsha u ela tshileme (u ela tshileme)
- vhuṱanzi ha vhuṋe ha tshithu
- vhurifhi ha thendelo (arali vhu hone)
- Vha desike ya zwa thuso vha vunḓu vha ḓo bveledza rekhodo ya tshiendisi kha eNaTIS
- khumbelo ya thendelo ya mapholisa (fomo ya RPC) i fanela u ṋetshedzwa
- ndingo dza u lugela u tshimbila badani i fanela u itwa kha tshiendisi
- Kha vha ḓadze fomo (RLV) ya Khumbelo ya u Ṅwalisa na Ḽaisentse ya Tshiendisi.
U ṅwalisa tshiendisi tsho khwiṋiswaho:
- U ṅwalisa tshiendisi tsho khwiṋiswaho, kha vha ye kha vha mannḓalanga a u ṅwalisa tshiendisi a tsinisa na ha havho vha ṋetshedze:
- ḽiṅwalo ḽavho ḽa vhuṋe (ID)
- afidaviti ine ya khwaṱhisedza uri zwipiḓa zwi bva ngafhi na hone ho itwani kha tshiendisi (fomo ya SOA)
- khumbelo ya thendelo ya mapholisa (fomo ya RPC)
- khumbelo ya u topolwa nga mapholisa (fomo ya RPI)
- ṱhanziela ya u bviswa kha u ḓiṅwaliswa (arali tshiendisi tsho so ngo tsha ṅwaliswa)
- ṱhanziela ya tshikalo tsha u ela tshileme (u ela tshileme)
- vhuṱanzi ha vhuṋe ha tshithu
- ṱhanziela ya u lugela u tshimbila badani
- vhurifhi ha thendelo (arali vhu hone)
Ṱhanziela ya mubveledzi kana ṱhanziela ya kale ya u ḓiṅwalisa kana afidaviti arali ṱhanziela ya u ḓiṅwalisa i sa koni u ṋetshedzwa. Kha vha ḓadze fomo (RLV) ya u Ṅwalisa na Ḽaisentse ya Tshiendisi.
Fomo dzi no tea u ḓadzwa
Fomo dzi wanala kha vha maanḓalanga a vhuṅwalisi ha zwiendedzi kana vha dzi bvisa kha webusaithi ya eNaTIS.
Contact your local department of transport