Uma uneminyaka leli-16 nobe ngetulu, ungafaka sicelo selipasi (ID). Utawudzinga i-ID kute ubhalisele kuhlolwa kwamatekuletjeni, utfole ilayisensi yekushayela nobe uvule i-akhawunti yasebhange.
Nangabe utfola i-ID kutsi kantsi inemininingwane yakho leliphutsa, Litiko Letasekhaya litakwentela lenye i-ID yakho mahhala.
Ungafaka sicelo sekutsi uphindze wentelwe i-ID ngenca yaletizatfu:
- uma sewushadile futsi ufuna kusebentisa sibongo saloshade naye
- uma ungumfati futsi ufuna kufaka sicelo se-ID lensha lesegameni lanobe ngusiphi sibongo sakho lesengcile
- uma i-ID yakho ilahlekile, yebiwe nobe yonakele.
Litiko Letasekhaya lifaka likhadi lelilula le-ID esikhundleni se-ID leyincwadzi leluhlata. Loku kutakwentiwa phakatsi neminyaka lesiphohlongo letako, ngako ngeke kudzingeke utfola i-ID lelikhadi uma ufaka sicelo nyalo. Nangabe sewunayo i-ID, utawutjelwa kutsi faka sicelo se-ID lelikhadi.
Tfola kabanti ngekutfola lipasi nobe tsintsana neLitiko Letasekhaya.