Ge e le gore o morutiši yo a nago le mangwalo a dithuto tša maleba gomme o nyaka mošomo ka Afrika Borwa, o swanetše go ingwadiša le Lekgotla la Barutiši la Afrika Borwa (SACE).
Mangwalo a gago a dithuto a swanetše go dumelelwa gore o ka hwetša mošomo ka legorong la thuto pele ga ge o ingwadiša le SACE. Ge e le gore o na le mangwalo a dithuto go tšwa ka nageng ye nngwe, a swanetše go sekasekwa ke Bolaodi bja Mangwalo a Dithuto bja Afrika Borwa (SAQA).
Hwetša tshedimošo ka botlalo ka ga go ingwadiša bjalo ka morutiši le:
- Lekgotla la Barutiši la Afrika Borwa (SACE) goba letšetša 012 663 9517 / 086 1007 223.
- Kgoro ya Thuto ya Motheo goba letšetša 012 357 3000.
