Nga ha
Zwine vha tea u ita
Zwi dzhia tshifhinga tshingafhani
Ndi vhugai
Fomo dzine dza tea u ḓadziwa
Vha kwama nnyi
Nga ha u ṅwalisa kha tshiimiswa tsha pfunzo ya nṱha
Ni nga isa phanḓa na ngudo dzaṋu yunivesithi, yunivesithi ya thekhinoḽodzhi kana thekhinikhala na magudedzi a ngudamushumo wa zwanḓa (TVET) ye na tou ḓikhethela, arali ni tshi swikelela ṱhoḓea.
Yunivesithi dzi ṋetshedza mbekanyamushumo dza phurofesheni na zwa pfunzo, ngeno yunivesithi ya thekhinoḽodzhi na magudedzi TVET zwi tshi ṋetshedza mbekanyamushumo dzo sedzesaho kha mishumo ya zwanḓa.
Ni fanela u khwaṱhisedza ṱhoḓea dza u ṱanganedzwa dza fhasisa na tshiimiswa tshe na khetha tshone.
Arali ni mutshudeni wa bva kha dzitshakatshaka, ni fanela u thoma na ita khumbelo ya phemithi ya u guda kha khomishini khulwane ya Afrika Tshipembe, embasi , dipuḽomati kana mishini wa mbambadzo kha shango ḽa haṋu ḽa mabebo. Ndalukano dza sili dzaṋu dzi fanela u elwa nga Vhulaedzwa ha Ndalukano ha Afrika Tshipembe (SAQA) phanḓa ha musi ni tshi ṅwalisa. U ela hu nga dzhia maḓuvha a swikaho 16.
Zwine na fanela u ita
- Zwi tshi bva kha zwikoro zwa u ṱanganedzwa zwaṋu na ṱhoḓea dza tshiimiswa tshe na nanga khoso ine na swikelela ṱhoḓea dzayo.
- Arali no ṅwalisa kha tshiimiswa tsha phuraivethe, ni sedzuluse arali tsho ṅwaliswa kha Muhasho wa Pfunzo.
- U ita khumbelo ya u ṱanganedzwa thwii kha tshiimiswa tshe na khetha.
- Ni ḓadza fomo ya khumbelo yo randelwaho ya tshiimiswa.
- Ni rumela fomo ya khumbelo na maṅwalo oṱhe a ṱoḓeaho kha tshiimiswa.
Arali no vha ni mutshudeni u bva kha dzitshakatshaka , ni ite khumbelo ya zwi tevhelaho:
Zwi dzhia tshifhinga tshingafhani
Zwiimiswa zwo fhambanaho zwi ta zwifhinga zwo fhambanaho.
Ndi vhugai
Mbadelo dza ngudo dzi a fhambana u ya nga zwiimiswa.
Fomo dzine dza tea u ḓadziwa
Fomo dza redzhisiṱeresheni dzi a wanala kha dziyunivesithi na magudedzi a TVET.
