Arali vho shavha shangoni ḽa havho hu u shavha u tovholwa, vha vha vha si na mabammbiri a re mulayoni a ngaho phasipoto kana visa, vha tea u ita khumbelo ya phemithi ya vhaṱodi vha vhudzumbamo kha Ofisi ya tsinisa ya u Ṱanganedza Dzitshavhi (PRO).
Phemithi ya vhaṱodi vha vhudzumbamo ndi phemithi ya tshifhinga nyana ine vha fhiwa ho sedzwa khumbelo yavho ya tshiimo tsha dzitshavhi kana tsha vhudzumbamo.
Arali khumbelo yavho ya vhudzumbamo yo tendelwa, vha ḓo fhiwa phemithi ya Tshiteṅwa 24 (ine ya ḓivhea sa “Phemithi ya Dzitshavhi”) ine lwa mulayo, i vha sedza sa tshavhi na uri i shuma lwa miṅwaha mivhili.
Vha nga ita khumbelo ya phemithi ya u vha mudzulapo wa tshoṱhe arali vho no dzula Afurika Tshipembe lwa miṅwaha i fhiraho miṱanu nga phemithi ya tshiimo tsha dzitshavhi.
Kha vha wane vhuṱanzi vhunzhi ngaha u ita khumbelo ya tshiimo tsha dzitshavhi na vhaṱoḓi vha vhudzumbamo kana vha kwame Muhasho wa zwa Muno.
