Khumbelo ya u ḓiṅwalisa sa mutheli kana u shandukisa zwidodombedzwa zwa muthelo wa miholo

Vha tea u ḓiṅwalisa sa mutheli kha Tshumelo ya Mbuelo ya Muthelo wa Afurika Tshipembe (SARS) arali vha tshi hola tshelede i fhiraho iyo ine ya tewa ṅwaha muṅwe na muṅwe. Vha tea u ḓiṅwalisa hu songo fhela maḓuvha a 60 tshe vha holelwa.

Kha vha ḓiṅwalise sa mutheli nga u ḓadza fomo ya u ḓiṅwalisa ya IT77 ine ya wanala kha webusaithi ya SARS.  

Vha nga humisa hani fomo dza muthelo wa mbuelo – dza vhone vhane  

Vha vhuya vha ḓiṅwalisela muthelo vha fhiwa na nomboro ya muthelo, vha nga kona u ḓiṅwalisa kha zwa (eFaiḽiṅi) kha www.sarsefiling.co.za vha kona u ḓadza fomo dzavho nga zwa eḽekiṱhironiki musi tshifhinga tsha muthelo tshi tshi thoma. Arali vha sa ḓiṅwalisela (eFaiḽiṅi), SARS i ḓo vha rumela fomo dzine vha tea u dzi ḓadza vha dzi rumela murahu.

Vha tea u humisela fomo dza muthelo kha SARS u itela uri SARS i kone u ṱanganyela uri hu vhonale arali vhone vha tshi tea u badela muṅwe muthelo hafhu kana i tshi vha koloda. Muthelo wa mbuelo ndi muthelo wo ḓoweleaho une wa badelwa kha mbuelo yavho ine ya tea u badelelwa muthelo.  

Kha vha wane zwinzhi ngaha uri vha ḓiṅwalisa hani sa mubadeli wa muthelo na uri vha humisisa hani  fomo dzavho kana vha kwame SARS u itela u wana vhuṱanzi vhunzhi .

 

SARS Contact Centre: 0800 00 7277

Share this page