Kha vha ṅwalise luswayo lwavho lwa mbambadzo kha Khomishini ya Dzikhamphani na Ndaka ya Ramaṱali (CIPC), u thivhela vhaṱaṱisani navho kha u lu shumisa. CIPC i tshimbidza u Ṅwaliswa ha Tswayo dza Mbambadzo, ine ya vha rekhodo ya tshiofisi ya tswayo dza mbambadzo dzoṱhe dzo itelwaho khumbelo/ kana dzo ṅwaliswaho kha Riphabuḽiki ya Afurika Tshipembe, u bva nga 1916.
Khumbelo dzi nga iswa kha kiḽasi dzo fhambanaho dza 45, zwi tshi bva kha thundu/kana dzitshumelo dzine luswayo lwa mbambadzo lwa ḓo shumisa. Zwidodombedzwa zwa sisiṱeme ya mbekanyele ya dzitshaka, Sisiṱeme ya Mbekanyele ya Nice, i wanala kha Webusaithi ya Madzangano a Ndaka ya Ramaṱali a Ḽifhasi. Luswayo lwa Mbambadzo lwo ṅwaliswaho lu nga tsireledzwa lwa tshoṱhe, arali vha tshi vusuludza u ṅwalisa kha miṅwaha ya fumi miṅwe na miṅwe.
Kha vha wane zwinzhi ngaha u ṅwalisa luswayo lwa mbambadzo kha Khomishini ya Dzikhamphani na Ndaka ya Ramaṱali (CIPC) kana vha kwame 086 100 2472.
