Khumbelo ya u renga ṋama thethe kana u i endedza Afrika Tshipembe

Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u adzwa
Vha kwama inyi

 

 

Ngaha u renga kana u endedza ṋama thethe (mbisi) ho katelwa zwa thumbuni i tshi ḓa kana u fhira nga Afrika Tshipembe  

Arali vha tshi khou ṱoḓa u renga ṋama thethe (mbisi) nnḓa kana u i endedza (ho katelwa zwa thumbuni) i tshi ḓa Afrika Tshipembe, kana u fhira nga Afrika Tshipembe, mulayo u ṱoḓa uri vha ite khumbelo nahone vha ṋetshedzwe  phemithi ya zwa u renga zwifuwo u bva nnḓa kana phemithi ya u endedza ṋama u bva kha Mulangi wa Mutakalo wa Zwifuwo. Vha tea u wana hei phemithi musi muhwalo u sa athu takuwa shangoni ḽe ha rengwa khaḽo. 

Mulangi wa Mutakalo wa Zwifuwo Afrika Tshipembe vha ḓo ṋetshedza fhedzi phemithi dza u renga ṋama nnḓa kana u endedza ṋama thethe (mbisi) kha mashango ane o ṱoliwa a dovha a tendelwa zwa tshumelo dza zwifuwo na tshiimo tsha mutakalo wa phukha. Vhuṱanzi vhunzhi vhu wanala kha  ElmarieV@daff.gov.za  Luṱ. 012 319 7700 kana Fakisi 012 329 6892).

Hu na maitele o fhambanaho a u renga nnḓa ane a vha hone u ya nga ha zwibveledzwa na tshiimo tsha mutakalo wa zwifuwo u ya nga kha mashango eneo. Sa izwi ṱhoḓea dza mutakalo dzi tshi anzela u shanduka, vha humbelwa uri vha kwame Tshiimiswa tsha zwa  Mutakalo wa Zwifuwo (Lut: 012 319 7420 /7524 /7700, Fakisi 012 329 6892) u itela u wana ṱhoḓea dzi khou shumaho. Phemithi dzi shuma lwa tshifhinga tsho kaliwaho nahone u endedza muhwalo muthihi.       

U renga nnḓa hune ha fhirwa nga kha mashango ḽa vhuraru a ho ngo tendelwa.
 
Ndi vhiḓifhinduleli havho sa murenga nnḓa u vhala vha dovha vha tevhedza maitele a tshimbilelanaho na ṱhoḓea dza phemithi ya zwa u renga zwa zwifuwo.  

U ya nga ha Mulayo wa Tsireledzo ya Ṋama ,2000 (Mulayo 40 wa 2000), ṋama yo firiziswaho na u rothodzwa i nga rengwa fhedzi u bva muvoni, fhethu hune vha tshea vha dovha vha i vhekanya hune hone ho tendelwa nga Muofisiri wa Khorotshitumbe ya Lushaka ya Afrika Tshipembe
Mutevhe wa zwiimiswa zwo tendelwaho u nga wanala hafha kana vha lidzele 012 319 7700 kana u fekisa khumbelo kha 012 329 6892.  

Mihwalo ya ṋama i khou rengwaho u bva seli ha mashango ya endedzwa nga lwanzheni i nga rengwa fhedzi nga  dzikhontheiṋa dzi rothodzaho. A huna mihwalo ya mabuto o khethekanywaho ine ya ḓo tendelwa. Ṋama thethe(mbisi) i nga rengwa fhedzi u bva nnḓa yo firiziswa kana u rothodzwa nga murotho wo tiwaho kha phemithi ya u renga zwa zwifuwo nnḓa. 

Zwine vha tea u ita

  1. Kha vha ḓadze fomo ya khumbelo ya uri vha renge/endedze ṋama/u ḓa kana u fhira nga Afrika Tshipembe.
  2. Arali zwibveledzwa zwi tshi khou endedzwa u fhira nga Afrika Tshipembe, vha tea u ḓisa khophi ya phemithi ya u renga zwa zwifuwo nnḓa u bva kha shango ḽine zwa khou iswa hone na khumbelo u itela uri vha wane thendelo  ya u endedza ya   Afrika Tshipembe.  
  3. Vha tea u badelela phemithi. 
  4. Kha vha dzhenise mbadelo ya phemithi kha akhaunthu ya bannga ya Muhasho:
    Dzina ḽa bannga: Standard ya Afrika Tshipembe Name of bank:
  5. Muṋe wa akhaunthu: Muhasho wa zwa Vhulimi wa Lushaka
    Nomboro ya akhaunthu: 011219556 International Band
    Davhi: 010845
    IB brand 0001982 Centre Code
    Swift Code: SBZA-ZAJJ
    Dzina ḽa davhi: Arcadia
  6. Hune vha vha  vha tshi khou itela khumbelo muṅwe, vha humbelwa uri vha vhe na vhuṱanzi ha uri vha khou badela nga dzina ḽa onoyo muthu kana dzina ḽa khamphani. Uri hu ḓivhee uri murengi ndi nnyi kha vha sumbedzise nga u ṅwala dzina na tshifani tshavho.   
  7. Mbadelo dzi nga kha ḓi itwa ofisini dza Muhasho wa zwa Vhulimi, zwa Maḓaka na Vhureakhovhe  sa zwe zwidodombedzwa zwa ṋetshedziswa zwone. 
  8. Dzitshadzhisi dza bannga ndi vhuḓifhinduleli havho naho arali dzi dza Bannga  dza Nnḓa. Muhasho a u nga ṋetshedzi phemithi arali masheleni a songo badelwa a fhelela. (Zwi vusuludzwa ṅwaha muṅwe na muṅwe na uri zwi anḓadzwa kha Gazethe ya Muvhuso).  
  9. Hu nga kha ḓi badelwa nga tsheke yo livhiswa kha Mulangi Muhulwane :  Muhasho wa zwa Vhulimi, zwa Maḓaka na Vhureakhovhe,  ine i nga rumelwa na fomo dza khumbelo.
  10. Vha rumele fomo dzo ḓadzwaho na vhuṱanzi ha u khwaṱhisedza mbadelo kha:
    Mulangi Muhulwane: Mutakalo wa Zwifuwo 
    Yunithi ya u Renga na u Vhambadzela Nnḓa
    Private Bag X138
    Pretoria
    0001
    Afrika Tshipembe.
  11. A huna khumbelo ine ya ḓo tshimbidzwa hu si na khwaṱhisedzo ya mbadelo. Khwaṱhisedzo ya tshelede yo dzheniswaho i tea u fekisiwa kha: 012 329 8292 zwo livhiswa kha: Ina Labuschagne.     
  12. Vha humbelwa uri vha sumbedzise kha fomo ya khumbelo uri phemithi vha ḓo ya vha i dzhia naa kana i tou rumelwa khavho. 
  13. Ho no ṱanganedzwa fomo dzo ḓadzwaho na khwaṱhisedzo ya mbadelo, Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo wa Zwifuwo zwi ḓo ṋetshedzwa zwa rumelwa khavho thwii.   
  14. Vha tea u wana Ṱhanziela ya zwa Mutakalo wa Zwifuwo u bva kha vhalangi vha zwa zwifuwo kha shango ḽine ḽa khou vha rengisela phanḓa ha musi zwibveledzwa zwi tshi rumelwa. Hei ṱhanziela ya zwa mutakalo i tea u tendelana na maitele a re kha phemithi ya u renga u bva nnḓa sa zwe zwa vheiswa zwone Afrika Tshipembe kana hu tea u vha ho vha na nyambedzano vhukati ha vhalangi vha zwa zwifuwo vha Afrika Tshipembe na shango ḽine ḽa khou rengisa.  Arali vha tshi khou ṱoḓa vhuṱanzi nga ha ṱhoḓea dza vhukuma vhu no tou tshimbilelana na tshiṅwe tshibveledzwa, vha nga wana tsumbo dza khophi dza Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo wa Zwifuwo u bva kha ofisi ya Phemithi. 
  15. Vha tea u ṋetshedza hezwi zwi tevhelaho kha Muofisiri wa Afrika Tshipembe wa Zwa Ndango ya zwa u Renga Zwifuwo u Bva Nnḓa kha Vhuimangalavha ha u Dzhena:
    1. Phemithi ya vhukuma ya zwa u Renga Zwifuwo u bva Nnḓa. 
    2. Ṱhanziela ya vhukuma ya zwa Mutakalo  wa Zwifuwo.
  16. Mihwalo yoṱhe ya ṋama i tea u ṱoliwa huthihi kha hafha fhethu ha u ṱola sa zwe zwa ambiswa zwone kha phemithi ya u renga nnḓa:
    • Durban: Luṱ: 031 337 4346/7 
    • Cape Town: Luṱ: 021 551 2050 
    • City Deep (u bva fhedzi kha mashango a vhahura): Luṱ: 011 613 1636 
    • Port Elizabeth (hu itwa nzudzanyo u thoma): Luṱ: 041 585 8907.

Tshifhingambekanywa

Dokotela wa zwifuwo wa muvhuso u bva ofisini ya Lushaka a vhuya a tenda zwa u renga u bva nnḓa, zwi dzhia maḓuvha mararu u ya kha maṱanu a mushumo uri khumbelo yavho i tshimbidziwe na u ṋetshedza phemithi.  

Zwi ita vhugai

R220

Vha kwama inyi

 

Share this page