U ṅwalisa tshiimiswa tsha pfunzo ya nṱha

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Vha ya tama u ṋetshedza pfunzo ya theshiari (nṱha) Afrika Tshipembe? Vha tea u thoma nga u ṅwalisa sa tshiimiswa tsha pfunzo ya nṱha ya phuraivethe kha Department of Higher Education and Training (DHET) uri vha wane maanḓalanga a mulayo a u ṋetshedza mbekanyamushumo dza pfunzo ya nṱha.

Zwiimiswa zwa pfunzo ya nṱha ya phuraivethe zwi ṋetshedza National Qualifications Framework (NQF) levels (Levels 5 uya kha 10) dzi fanaho na dza yunivesithi kana yunivesithi dza thekhinoḽodzhi dza muvhuso.

Ndivho ya u ṅwalisa ndi u itela u vhona uri:

• zwiimiswa zwa phuraivethe zwi ṋetshedza pfunzo ya ndeme
• tshitshavha tshi tsireledzeye kha vha shumaho nga nḓila i songo ḓaho na u sa fara vhathu zwavhuḓi
• matshudeni vha wane ndalukanyo dzi tshimbilelanaho na Muhanga wa Ndalukanyo ya Pfunzo ya Nṱha (HEQF) na u ṅwaliswa kha NQF
• sisṱeme ya pfunzo i swikelele zwipikwa zwa u shandukisa Afrika Tshipembe zwi tshi elana na vhusimamulayo na mbekanyamaitele dza muvhuso
• zwiimiswa zwa phuraivethe zwi tevhedzele Mulayo wa Pfunzo ya Nṱha, 1997 (Mulayo 101 wa 1997).

Mbekanyamushumo dza zwiimiswa zwa phuraivethe dzi tea u ṅwaliswa kha DHET, yo themendelwaho nga  Higher Education Quality Committee (HEQC) of the Council on Higher Education (CHE) na u ṅwaliswa kha NQF nga South African Qualifications Authority (Saqa).. Mbekanyamushumo idzi dzi tea u vha dzi shumaho fhano hayani na kha mashango a nnḓa.

Khumbelo ya u ṅwalisa i tea u ṋetshedzwa Registrar wa zwiimiswa zwa Pfunzo ya Nṱha tsha Phuraivethe phanḓa ha miṅwedzi ya 18 musi tshiimiswa tshavho tshi sa athu thoma u shuma. Khumbelo ya Tshanduko i tea u ṋetshedzwa nga ḓuvha ḽo tiwaho nga Registrar (Muulanguli –Guṱe).

Zwine vha tea u ita

1. Kha vha ḓadze fomo yo randelwaho.
2. Vha ise fomo ya khumbelo kha Registrar wa zwiimiswa zwa Pfunzo ya Nṱha zwa Phuraivethe.
3. Vha ise zwi tevhelaho khathihi na fomo ya khumbelo:
   • zwitatamennde zwa masheleni zwo odithiwaho zwa ṅwaha nga ṅwaha kana  audited financial forecasts
   • pulane ya bindu
   • thendelano ya u ḓivhofha
   • maṅwalo a u ṅwaliswa ha khamphani
   • muvhigo wo odithiwaho wa ṱhanziela ya thevhedzelo ya mutakalo na tsireledzo ya u ṅwaliswa ha bindu
   • mulevho wa khumbelo ya thendelo/zwire mulayoni
   • muano wa vhukoni ha tshiimiswa
   • mulevho wa vhuṱoli na vhusedzulusi
   • thendelo dza tshiimiswa tsha ngomu, arali dzi hone
   • kubugwana kwa kungedzelo  ya matshudeni, khaḽenda kana burotsha
   • Fomo dza u ṅwalisa, khonṱhiraka dza matshudeni na milayo.
4. Matshudeni  vha vhabvannḓa vha itaho khumbelo vha tea u ṋetshedza zwi tevhelaho:
   • mulevho wa ndinganyo ya ndalukanyo
   • vhuṱanzi ha uri vha a ḓivhea kha shango ḽine vha bva khaḽo
   • vhuṱanzi ha thendelo ya shango ḽine vha bva khaḽo
   • ṱhanziela ya thendelo u bva kha HEQC na fomo ya u ṅwalisa u bva Saqa
   • mulevho wo sainwaho wa u sumbedzisa uri tshiimiswa a tshi nga khethululi na luthihi
   • arali ha nga vha na tshanduko, zwidodombedzwa zwine zwa tea u shandukiswa
   • mulevho wa u vhea iṱo na u ela khathihi na muano wa vhuḓifhinduleli wo sainwaho na u ṅwalwa datumu.

5. Pay the prescribed fee.

Kha vha dzhiele nṱha izwi: Kha vha kwame Registrar nga ha Tshanduko dzine vha tama u ita musi khumbelo i kati.

Zwi dzhia tshifhinga tshi ngafha hani

• U ṅwalisa lwa u thoma: miṅwedzi ya 18 phanḓa ha musi tshiimiswa tshi sa athu vulela u ṅwalisa matshudeni.
• Khwiniso: miṅwedzi ya 12 phanḓa ha musi khwiniso i tshi thoma u shuma.
• Tshandukiso: sa zwo sumbedziswaho nga Registrar.

Zwi ita vhugai

R500