U adoptha ṅwana kha shango ḽi siho kha thendelano

Arali vha mubvannḓa ane vha na dzangalelo ḽa u adoptha ṅwana wa Afrika Tshipembe, fhedzi shango ḽavho ḽi songo saina thendelano ya Hague, vha nga adoptha nga kha Vhalanguli vha Mulayo ‘Competent Authority’ kana vha Tshumelo ya Matshilisano ya Dzitshakha ‘International Social Services’ (ISS) kha shango ḽine vha dzula khaḽo.

Zwine vha tea u ita

1. Kha vha kwame Vhalanguli vha Mulayo kana ISS kha shango ḽa havho.
2. Mulanguli wa Mulayo kana  ISS u ḓo vha rumela kha tshiimiswa tsha u adoptha tsho tendelwaho kha shango ḽa havho u itela ṱhaṱhuvho na tsedzuluso u itela u wana arali vho fanela u adoptha ṅwana
3. Arali tshiimiswa tsha zwa u adoptha tsha wana uri vho fanela u vha  u tea u adoptha, tshi ḓo dzudzanya muvhigo wa tsedzuluso vha u rumela kha Vhalanguli vhatshimbidzi vha Afrika Tshipembe ‘ African Central Authority’(SACA).
4. SACA i ḓo rumela muvhigo kha tshiimiswa tsha tsireledzo ya vhana  tshine tsha vha na thendelo ya u shuma u adoptha na zhendedzi ḽa nnḓa u ṱoḓa ṅwana ane a vha hone u itela u adopthiwa
5. Arali hu na ṅwana ane a vha hone wa u adoptha, tshiimiswa tsha tsireledzo ya vhana tshi ḓo dzudzanya muvhigo wa tsedzuluso ya ṅwana tsha u rumela kha SACA u wana thendelo ya u adoptha kha ḽiṅwe shango (Athikili 17)
6. Tshiimiswa tsha tsireledzo ya vhana tshi ḓo fhirisela muvhigo kha zhendedzi ḽa nnḓa u vhambedza ṅwana na mubebi o lavhelelwaho.
7. Arali vha tshe na dzangalelo kha u adoptha, Vhalanguli vha Mulayo kha shango ḽine vha dzula khaḽo kana ISS vha ḓo ṋetshedza Athikili 17, ine ya  vha ṋetshedza  thendelo ya u adoptha
8. Tshipiḓa tsha vhu 17 tshine tsha vha kha Vhalanguli vha Mulayo kha shango ḽavho kana ISS tshi ḓo rumelwa kha Tshiimiswa tsha tsireledzo ya vhana tsho tendelwaho. Zhendedzi ḽa u adoptha ḽa Afrika Tshipembe ḽi ḓo vha ḓivhadza uri vha dalele Afrika Tshipembe u itela u khunyeledza adopsheni na khothe ya vhana.
9. Khothe i ḓo khunyeledza adopsheni na maṅwalo a khothe a ḓo rumelwa kha SACA u itela u khwaṱhisedzwa na u ṅwaliswa ha adopsheni
10. SACA i ḓo ṋetshedza ṱhanziela ya Thevhedzelo.

Tshifhingambekanywa

Zwi a fhambana zwi tshi ya nga kheisi.

Zwi ita vhugai

Vha nga ita mbadelo kha tshiimiswa tsha tsireledzo ya vhana tsho tendelwaho maelana na u a doptha kha ḽiṅwe shango.

Fomo dzi no tea u ḓadzwa

Kha vha kwame Vhalanguli vha Mulayo kana ISS kha shango ḽa havho.

Mutevhe wa nomboro dza ofisi dza Muhasho wa Mveledziso ya Matshilisano dza vunḓu