U adoptha ṅwana kha shango ḽa thendelano

Thendelano ya Hague nga ha u adoptha

Arali vha mubvannḓa vha na dzangalelo ḽa u adoptha ṅwana wa Afrika Tshipembe, vha fanela u thoma u wana arali shango ḽavho ḽo saina Thendelano ya Hague. Thendelano i sumbedza maitele a khwinesa a u adoptha kha ḽiṅwe shango vhukati ha mashango ane a khou dzhenelela.

Vha nga shumisa fhedzi ulu lushaka lwa u adoptha arali shango ḽavho, u fana na Afrika Tshipembe ḽo saina thendelano ya Hague.

Thendelano i dzhiela nṱha dzanganlelo ḽa nwana na u ṱoda u thivhela u tswiwa, u tambudzwa na u rengisa na u dzhia vhana nga khani.

Vhalanguli vhatshimbidzi kha shango ḽine vha dzula khaḽo vha fanela u vha rumela kha tshiimiswa tsha tsireledzo ya vhana tsho tendelwaho u itela tsedzuluso. Tshiimiswa tshi ḓo dovha tsha shumisana na tshiimiswa tsha tsireledzo ya vhana tsho tendelwaho tsha Afrika Tshipembe u vha thusa u ṱoḓa ṅwana ane a vha hone wa u adoptha.

Zwine vha tea u ita

Kha vha kwame Vhalanguli vha Mulayo kana ISS kha shango ḽa havho.
Mulanguli wa Mulayo kana ISS u ḓo vha rumela kha tshiimiswa tsha u adoptha tsho tendelwaho kha shango ḽa havho u itela ṱhaṱhuvho na tsedzuluso u itela u wana arali vho fanela u adoptha ṅwana.
Arali tshiimiswa tsha zwa u adoptha tsha wana uri vho fanela u vha u tea u adoptha, tshi ḓo dzudzanya muvhigo wa tsedzuluso vha u rumela kha Vhalanguli vhatshimbidzi vha Afrika. Tshipembe ‘ African Central Authority’(SACA).
SACA i ḓo rumela muvhigo kha tshiimiswa tsha tsireledzo ya vhana tshine tsha vha na thendelo ya u shuma u adoptha na zhendedzi ḽa nnḓa u ṱoḓa ṅwana ane a vha hone u itela u adopthiwa.
Arali hu na ṅwana ane a vha hone wa u adoptha, tshiimiswa tsha tsireledzo ya vhana tshi ḓo dzudzanya muvhigo wa tsedzuluso ya ṅwana tsha u rumela kha SACA u wana thendelo ya u adoptha kha ḽiṅwe shango (Athikili 17).
Tshiimiswa tsha tsireledzo ya vhana tshi ḓo fhirisela muvhigo kha zhendedzi ḽa nnḓa u vhambedza ṅwana na mubebi o lavhelelwaho.
Arali vha tshe na dzangalelo kha u adoptha, Vhalanguli vha Mulayo kha shango ḽine vha dzula khaḽo kana ISS vha ḓo ṋetshedza Athikili 17, ine ya vha ṋetshedza thendelo ya u adoptha.
Tshipiḓa tsha vhu 17 tshine tsha vha kha Vhulanguli vha Mulayo kha shango ḽavho kana ISS tshi ḓo rumelwa kha Tshiimiswa tsha tsireledzo ya vhana tsho tendelwaho. Zhendedzi ḽa u adoptha ḽa Afrika Tshipembe ḽi ḓo vha ḓivhadza uri vha dalele Afrika Tshipembe u itela u khunyeledza adopsheni na khothe ya vhana.
Khothe i ḓo khunyeledza adopsheni na maṅwalo a khothe a ḓo rumelwa kha SACA u itela u khwaṱhisedzwa na u ṅwaliswa ha adopsheni.
SACA i ḓo ṋetshedza ṱhanziela ya Thevhedzelo.
Zhnededzi ḽa u adoptha ḽa shango ḽa nnḓa ḽi ḓo vha ṋetshedza tshumelo ya ndondolo lwa miṅwaha miṱanu.