Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Nga ha u adoptha kha shango ḽa vhudzulapo vha tshi dzula kha ḽinwe
Arali vha Muafrika Tshipembe vha tshi dzula kha shango ḽa nnḓa, vha na dzangalelo ḽa u adoptha ṅwana wa Afrika Tshipembe, vha fanela u kwama vhalanguli vha u tshimbidza kha shango ḽine vha dzula khaḽo.
Arali hu sina vhalanguli vha mulayo kha shango ḽa havho, vha nga kwama vha Tshumelo ya Matshilisano ya Dzitshakha ‘International Social Services’ (ISS).
U adoptha kha ḽiṅwe shango ndi u vhea ṅwana kha ndondolo ya muthu ane a si vhe mubebi wa malofhani kana muunḓi ane a dzula kha shango ḽa nnḓa. Zwi ṅetshedza muṱa wa tshoṱhe kha ṅwana ane muṱa wo mufanelaho a u khou wanala kha shango ḽe a bebwa khaḽo.
Zwine vha tea u ita
- Kha vha kwame Vhalanguli vhatshimbidzi ‘central authority’ kana ISS kha shango ḽa havho.
- Vha vhalanguli vhatshimbidzi kana ISS vha ḓo vha rumela kha tshiimiswa tsha u adoptha tsho tendelwaho kha shango ḽa havho u itela ṱhaṱhuvho na tsedzuluso u itela u wana arali vho fanela u adoptha ṅwana
- Arali vhalanguli vhatshimbidzi kana ISS vha vhona zwo fanela na u tea u adoptha, vha ḓo dzudzanya muvhigo nga vhuḓalo wa tsedzuluso ya hayani vha u rumela kha SACA.
- SACA i ḓo rumela muvhigo kha tshiimiswa tsha tsireledzo ya vhana tshine tsha vha na thendelo u wana arali hu na ṅwana wa u adoptha
- Mushumelavhapo u ḓo vhona uri muthu muṅwe na muṅwe ane a fanela u tendela adopsheni u ṋetshedza thendelo nga kha khothe ya vhana
- Musi tshiimiswa tsha u adoptha tsho no ṋetshedza muvhigo tshi tshi khou tendelana na adopsheni, SACA i ḓo ṋetshedza Athikili 17, vha tshi khou themendela u u adoptha kha ḽiṅwe shango
- SACA i ḓo rumela muvhigo wa tsedzuluso ya ṅwana kha vhalanguli vha mulayo kha shango ḽa havho u vha vhambedza na ṅwana.
- Arali vha tshe na dzangalelo na u adoptha, vhalanguli vha tshimbidzi kha shango ḽa nnḓa vha ḓo ṋetshedza Athikili 17, u vha ṋetshedza thendelo ya u adoptha na u i rumela kha SACA
- Vha ḓo humbelwa u dalela Afrika Tshipembe u itela uri adopsheni uri i khunyeledzwe khothe ya vhana.
- Khothe ya vhana i ḓo ṋesthedza ndaela ya u adoptha na maṅwalo o fanelaho a ḓo rumelwa kha SACA u itela khwaṱhisedzo na u ṅwaliswa ha adopsheni.
- Arali adopsheni yo dzudzanywa na ḽiṅwe ḽa mashango a Hugue, SACA u ḓo vhona usi ṱhanziela ya thevhedzelo i khou ṋetshedzwa
- Tshiimiswa tsho tsha tsireledzo ya vhana tsho tendelwaho tshi ḓo vhona uri Muhasho wa zwa Muno u khou wana khophi dza ndaela ya u adoptha na uri u shandukisa madzina zwi khou itiwa na ṱhanziela ya mabebo ya ṋetshedzwa
- Tshiimiswa tsha tsireledzo ya vhana tsho tendelwaho tshi ḓo vha rumela ṱhanziela ntswa ya mabebo
- Zhendedzi ḽa u adoptha ḽa shango ḽa nnḓa ḽi ḓo vha ṋetshedza ’tshumelo ya ndondolo’ lwa miṅwaha miṱanu
Zwi ita vhugai
Vha nga ita mbadelo kha tshiimiswa tsha tsireledzo ya vhana tsho tendelwaho maelana na u a doptha kha ḽiṅwe shango.
Fomo dzi no tea u ḓadzwa
Vha kwama inyi
Kha vha kwame Vhalanguli vhatshimbidzi ‘central authority’ kana ISS kha shango ḽa havho.
Mutevhe wa nomboro dza ofisi dza Muhasho wa Mveledziso ya Matshilisano dza vunḓu