Ndzawulo ya Vuxaka bya Matiko ya Misava na Ntirhisano (DIRCO) hi ku tirhisana na Hofisi ya vuxaka bya yona bya matiko kumbe Hofisini ya Vayimeri va matiko ematikweni mambe, ku nyika mpfuneto eka maendlelo yo ololoxa swiphiqo na ku nyika switsundzuxo eka maxaka hi nkarhi wa rifu ra muakitiko wa Afrika-Dzonga eka matiko mambe.
Mpfuneto wu katsa ku:
- kuma mpfumelelo wa ku vuyisa ntsumbu ku suka eka Ndzawulo ya Rihanyo
- lulamisa leswaku swirho swa ndyangu swi tihlanganisa na vanhu lava lulamisaka mikosi vo xiximeka etikweni loko ku va na rifu
- kuma tikhothexini to rhwala ntsumbu na/kumbe masalelo ya ntsumbu lowu nga hisiwa na/kumbe ku lahliwa ka ntsumbu ekaya, loko xikombelo xi endliwa hi maxaka
- nyika vuxokoxoko eka swilaveko swa kwala kaya na maendlelo lama ma khumbaka mufi. Swi fanele ku tekeriwa enhlokweni leswaku ndlela leyi munhu un’wana a hundzaka emisaveni swi khumba hilaha mifumoxivongo yi tengisaka hakona milandzu.
Loko mufi a ri na ndzindzakhombo yo teka tendzo ematikweni mambe, sungula hi ku tihlanganisa na khampani ya swa ndzindzakhombo ku kambisisa loko mufi a sirheleriwile eka mhaka ya rifu. Mfumo wa Afrika-Dzonga a wu nyiki mpfuneto wihi kumbe wihi wa swa timali mayelana na rifu ra vaakitiko va Afrika-Dzonga lava va nga ematikweni mambe.
Hlaya ku kuma vuxokoxoko byo tala mayelana na mpfuneto lowu wu nyikiwaka loko Muafrika-Dzonga a hundza emisaveni ematikweni mambe: Advice to South African citizens in the event a South African dies abroad. Nakambe u nga ha tihlanganisa na muyimeri wa tiko ra Afrika-Dzonga ematikweni mambe kumbe Ndzawulo ya Rihanyo eka nomboro ya foni ya 012 395 8000.
