Ndzawulo ya Vuxaka bya Matiko ya Misava na Ntirhisano (DIRCO) ya tinyiketa eka ntirho wo tsarisa vaakitiko va Afrika-Dzonga lava va yaka kumbe va tshamaka ematikweni mambe. Vukorhokeri lebyi byi nyikiwa hikokwalaho ka ku va swi laveka ku va ku tihlanganisiwa na wena ku ku nyika switsundzuxo swa xihatla eka mhangu ya ntumbuluko kumbe mpfilumpfilu etikweni kumbe swa xihatla eka ndyangu.
Vuxokoxoko lebyi byi yisiweke hi ku tsarisa hi ku tirhisa fomo ya ROSA eka inthanete swi nga ha tirhisiwa hi Ndzawulo ku:
- tihlanganisa na vaakitiko va Afrika-Dzonga na mindyangu ya vona hi swivangelo swin’wana na swin’wana leswi swi twalaka, tanihileswi swi vonakaka swi fanela
- tiyisisa vusirheleri na xiyimo xo va Maafrika-Dzonga leswaku va titwa va tshamisekile ematikweni mambe na ku endlela ku va pfuna.
Titsarise na ROSA eka inthanete. Ndzawulo ya Vuxaka bya Matiko ya Misava na Ntirhisano yi tirhisa Secure Socket Layer (SSL) na thekinoloji yo sirhelela ndzilo eka data ya wena.
