Tsarisa xipandzamananga lexi xaviweke ematikweni mambe

Loko u lava ku tsarisa xipandzamananga lexi xaviweke ematikweni mambe eAfrika-Dzonga, u fanele ku endla tano eka vulawuri byo tsarisa lebyi faneleke.

Tidokhumente leti landzelaka ta laveka:

• Fomo ya eNaTIS (MVR1A kumbe RLV);
• Pasi ra RSA;
• Loko u ri hava pasi ra RSA:
  • Pasi leri ri nyikiweke hi tiko rimbe kumbe
  • Xitifikheti xa nomboro ya rhijisitara ra swipandzamananga
• Tidokhumente leti fambelanaka na ntsariso na ku nyikiwa ka layisense ya xipandzamananga ehandle ka RSA.
• Papila ra vulawuri (Letter of authority (LOA) kusuka eka Mulawuri wa Rixaka wa Swikoxometo leswi Bohaka

Loko u lava ku tsarisa xipandzamananga hi vito ra khamphani, u fanele ku va na:

• Xitifikheti xa ku katsanisa tanihilaha xi nyikiweke hakona hi ku landza Nawu wa Tikhamphani kumbe;
• Xitifikheti xa ku cinca vito tanihilaha xi nyikiweke hakona hi ku landza Nawu wa Tikhamphani.
• Loko u lava ku tsarisa xipandzamananga hi vito ra khamphani yo pfaleka, u fanele ku va na:
  • Xitatimente xo simeka lexi nyikiwaka hi ku landza Nawu wa Tikhamphani to Pfaleka kumbe
  • Xitifikheti xa ku cinca vito lexi nyikiwaka hi ku landza Nawu wa Tikhamphani to Pfaleka.

Loko xipandzamananga xi nga si tsarisiwa, u fanele ku kuma xitifikheti xa mbhasiso xa Vukorhokeri bya Maphorisa bya Afrika-Dzonga (SAPS). Lexi xi nyikiwa ntsena endzhaku ka loko vulawuri byo tsarisa byi ku nyikile rheferali na xitifikheti xa ntsariso.

Xiyenge xa Mbhariso wa Tinhundzu to Huma Ematikweni Mambe na ta laha Tikweni xa Vukorhokeri bya Xibalo bya Afrika-Dzonga (SARS) xi ta nyika vumbhoni lebyi lavekaka bya ku landzeleriwa ka swinawana na maendlelo. U tsundzuxiwa ku tihlanganisa na SARS ku kuma vuxokoxoko byo engetela.

Kumisisa swo tala eka webusayiti ya eNaTIS.

Loyi u nga tihlanganisaka na yena