Wundla n’wana etikweni leri nga na ntwanano wo fana

Ku wundla ka Ntwanano wa Hague

Loko u ri muhlapfa u tsakela ku wundla n’wana wa laha Afrika Dzonga, u fanele u sungula u kumisisa loko tiko leri u humaka eka rona ri sayinile eka Ntwanano wa Hague. Ntwanano wu boha maendlelo laya tekiweke ya kahle exikarhi ka matiko laya ngheneleleke.  

U nga tirhisa ntsena muxaka lowu wo wundla loko tiko leri u humaka eka rona ku fana na Afrika Dzonga ri sayinile Ntwanano wa Hague.

Ntwanano wu langutisa ku tsakela ko antswa ka n’wana no lava ku sivela ku tlhakisiwa, ku xanisiwa hi ndlela yo tirhisiwa, ku xavisiwa no xavisiwa ka vana.

Vulawuri bya le xikarhi  bya tiko laha u humaka kona byi fanele ku va byi ku hundzisela eka nhlangano wo sirhelela vana lowu nga le nawini ku kamberiwa. Nhlangano wu ta tlhela wu tihlanganisa na nhlangano wo sirhelela n’wana lowu nga le nawini eAfrika Dzonga ku pfuna ku lavana na n’wana la nga kona ku wundliwa.  

Leswi u faneleke ku swi endla

• Tihlanganisi na Vulawuri bya le Xikarhi (Central Authority) etikweni laha u tshamaka kona.
• Vulawuri bya le Xikarhi byi ta ku hundzisela eka nhlangano wo wundla etikweni leri u humaka kona ku hleriwa no kamberiwa ku boha loko u ringanerile ku wundla n’wana.
• Loko nhlangano wo sirhelela wu kuma leswaku u ringanerile no fanela ku wundla, wu ta kondletela xiviko xo twisiseka xa dyondzo ya le kaya no xi rhumela eka Vulawuri bya le Xikarhi bya Dzonga wa Afrika (South African Central Authority) (SACA)
• SACA yi ta rhumela xiviko eka nhlangano wo sirhelela n’wana lowu nga na ntwanano lowu tirhaka wo wundla na nhlangano wa matiko mambe ku langutisa n’wana loyi a nga kona kuva a wundliwa.
• Loko ku ri na n’wana la nga wundliwaka, nhlangano wo sirhelela n’wana wu ta kondletela xiviko xo dyondza n’wana no xi hundzisela eka SACA ku pasisiwa eka ku wundliwa ka le xikarhi ka matiko (Xitsalwana xa 17).
• Nhlangano wo sirhelela n’wana eAfrika Dzonga wu ta rhumela xiviko eka nhlangano wa matiko mambe ku fananisa n’wana na vatswari lava languteriweke.  
• Loko wa ha tsakela ku wundla, Vulawuri bya le Xikarhi etikweni leri u humaka kona byi ta ku nyika Xitsalwana xa 17, xi ku nyika mpfumelelo wo wundla.
• Xitsalwana xa 17 ku suka eka Vulawuri bya le Xikarhi bya tiko leri u humaka eka rona byi ta rhumeriwa eka nhlangano lowu pasisiweke wa vusirheleri bya vana eAfrika Dzonga. Nhlangano wo sirhelela n’wana wu ta ku lemukisa ku ya eAfrika Dzonga ku hetisa ku wundla na maphepha ya le khoto eka khoto ya vana.
• Khoto yi ta hetisisa ku wundla na maphepha ya le khoto swi ta rhumeriwa eka SACA ku kambneriwa no tsarisiwa eka ku wundliwa.
• Kutani SACA yi ta humesa Xitifikheti xo Tiyisisa.
• Nhlangano wo wundla wa matiko mambe wu ta nyika vukorhokeri bya nhlayiso wa le ndzhaku ku ringana ntlhanu wa malembe.

Leswi u faneleke ku swi endla

Ya hambana ku suka eka mhangu yin’we kuya eka yin’wana.

Tihlanganisi na Vulawuri bya le Xikarhi (Central Authority) etikweni laha u tshamaka kona.