Ka ga
Se o tshwanetseng go se dira
Nako ya tiragatso
Tuelo ke bokae
Diforomo tse di tladiwang
O ka golagana le mang
Ka ga go dira kopo ya go ikgodisetsa ngwana ka elemente ya selegae
Fa o le Moaforika Borwa mme o rata go ka ikgodisetsa ngwana wa Moaforika Borwa, o tshwanetse go golagana le bothati jwa bogareng mo nageng e o nnang mo go yona. batlisisa pele gore a naga ya gaeno e saenile Tumalano ya Hague. Tumalano e e tlhagisa tiragatso e e botoka ya kgodiso ya bana ba dinaga disele magareng ga dinaga tse di nang le seabe.
Fa go sena bothati jo bo maleba mo nageng ya gago o ka golagana le Ditirelo tsa Boditšhaba tsa Loago (ISS).
Tumalano ya boditšhaba ya kgodiso ya bana ke go bewa ga ngwana leruri ka fa tlase ga tlhokomelo ya motho yo e seng motsadi wa madi kgotsa motlhokomedi mme a nna kwa nageng e sele. E naya ngwana lelapa yo a sa bonelwang lelapa le le maleba kwa nageng e a tswang kwa go yona.
Se o tshwanetseng go se dira
- Golagana le Bothati jwa Bogareng mo nageng e o nnang kwa go yona.
- Bothati jwa Bogareng bo tla go romela kwa mokgatlong wa kgodiso ya bana mo nageng ya gaeno go go tlhatlhoba le go bona gore a o tshwanelwa ke go godisa ngwana.
- Fa mokgatlo wa tshireletso o go fitlhela o le maleba go ka godisa ngwana, o tla dira pegelo e e tletseng ya tshekatsheko ya legae mme o e romele go Bothati jwa Bogareng jwa Aforika Borwa (SACA).
- SACA e tla romela pegelo e go mokgatlo o o nang le tumalano e e dirang ya kgodiso ya bana le mokgatlo wa boditšhaba go go batlela ngwana yo o ka godisiwang.
- Modirediloago o tla netefatsa gore motho ofe fela yo o tlhokang tumelelo ya go ikgodisetsa ngwana o bona tumelelo eo ka Kgotlatshekelo ya Bana.
- Maphata a a amegang a tla newa matsatsi a le 60 a mo go ona a ka gogelang morago tumelelo pele ngwana a tsewa a newa batsadi ba bangwe.
- Fa mokgatlo wa kgodiso o romela pegelo e e atlenegisang gore ngwana a ka tsewaw, SACA e tla rebola Athikele 17, e atlenegisa kgodiso ya ngwana kwa nageng ya boditšhaba.
- SACA e tla romela pegelo ya tshekatsheko ya ngwana go bothati jwa bogareng kwa nageng ya gago go go golaganya le ngwana.
- Fa o sa ntse o batla go ka godisa ngwana, Bothati jwa Bogareng kwa nageng e o nnang kwa go yona bo tla rebola Athikele 17, go go naya tetla ya go godisa ngwana mme e romelwe go SACA.
- Yo tla lalediwa go tla Adorika Borwa go konosetsa kopo ya kgodiso ya ngwana kwa kgotlatshekelo ya bana.
- Kgotlatshekelo ya bana e tla rebola taelo ya kgodiso mme ditlankana tse di maleba di tla romelwa go SACA gore di netefadiwe le gore kopo ya kgodiso e kwadiswe.
- Fa kopo e e rulagantswe le naga e nngwe ya Hague, SACA e tla netefatsa gore e rebola Setifikeiti sa go Maikano (Certificate of Conformity).
- Mokgatlo o o kwadisitsweng wa tshireletso ya bana o tla netefatsa gore Lefapha la Merero ya Selegae le amogela khopi ya taelo ya kgodiso le gore gore maina a fetotswe mme setifikeiti sa botsalo se fetotswe.
- Mokgatlo o o kwadisitsweng wa tshireletso ya bana o tla go romelela setifikeiti sa botsalo se sešwa.
- Mokgatlo wa kgodiso ya bana wa boditšhaba o tla go naya ditirelo tsa morago ga tlhokomelo sebaka sa dingwaga tse tlhano.
Nako ya tiragatso
Go farologana go ya ka dikgetse.