Uma ubaleke eveni lakho lendzabuko ngenca yekwesaba kuphatfwa kabi, futsi ungenato tincwadzi letisemtsetfweni letinjengepasipoti nobe ivisa, kufanele ufake sicelo semvume yekufuna kubhaciswa Ehhovisi Lekwemukela Bakhoseli (RRO) lelisedvute.
Imvume yekufuna kubhaciswa yimvume yesikhashana loyitfola nangabe kusalindvwe sincumo sesicelo sakho sekukhoseliswa nobe sekubhaciswa.
Nangabe sicelo sakho sekubhaciswa semukelwa, uniketwa imvume yeSigaba 24 (futsi leyatiwa ngekutsi “Yimvume Yekukhosela”) lekwenta ucashelwe ngalokusemtsetfweni njengemkhoseli futsi lehlala iminyaka lemibili.
Ungafaka sicelo semvume yekuhlala nomphela nangabe sewuhleti eNingizimu Afrika ngemvume yekukhosela iminyaka lengetulu kwalesihlanu.
Tfola kabanti ngekufaka sicelo sekukhosela nobe kufuna kubhaciswa nobe tsintsana neLitiko Letasekhaya.
