Kufanele ubhalise njengemkhokhintsela eLuphikweni Lwemalingena LwaseNingizimu Afrika (SARS) nangabe uhola ngetulu kwelinani lelishiwo lelincunywa njalo ngemnyaka. Kufanele ubhalise phakatsi nemalanga langema-60 kusukela ekutfoleni kwakho liholo.
Bhalisa njengemkhokhintsela, ngekugcwalisa lifomu lekubhalisa i-IT77 lelingatfolakala kuyiwebhusayithi ye-SARS.
Ungalitfumela njani lifomu lemtselo – lemuntfu longayedvwa
Nangabe sewubhalisele umtselo futsi waniketwa inombolo yakho yemtselo, ungabhalisela i-eFiling ku- www.sarsefiling.co.za bese ugcwalisa emafomu emtselo nge-inthanethi nangabe sekucala sikhatsi semtselo. Uma ungakabhaliseli i-eFiling, i-SARS itakutfumelela lifomu lokufanele uligcwalise bese ulibuyisela emuva.
Kufanele utfumele lifomu lemtselo e-SARS kute i-SARS ibale kwekutsi kukhona yini imali lokumele ikubuyisele yona. Umtselo weliholo ngumtselo lovamile lokhokhwa ngemtselo lotsatfwa eholweni lakho.
Tfola kabanti ngekutsi ungakwenta njani kubhalisa njengemkhokhintsela nekutsi ungalitfumela njani lifomu lakho lemtselo nobe tsintsana ne-SARS kute utfole lwati lolubanti.
SARS Contact Centre: 0800 00 7277
