Bhalisa idizayini yakho kuKhomishini Yekubhalisa Tinkampani Nemphahla Yengcondvo (CIPC)) kute utfole emalungelo lakhetsekile ekusebentisa ledizayini kanye nekuvikela labanye bantfu kutsi bayakhe, bayitsengise nome bayisebentise.
Kunetinhlobo letimbili temadizayini longatibhalisa: idizayini lejabulisako nedizayini yekusebenta. Idizayini lejabulisako ibumbeke ngalokwehlukile, kuhleleka nome umhlobiso loheha liso. Idizayini yekusebenta ibumbeke nome ihleleke ngalokwehlukile lokudzingwa ngumsebenti wayo. Idizayini lejabulisako ivikelwa ngekwemtsetfo iminyaka leli-15 kantsi idizayini yekusebenta yona ivikelwa iminyaka lelishumi.
Ufanele kutsi uvusetele kubhalisa njalo ngeminyaka lemitsatfu ngembi kwekutsi kuphele lomnyaka wesitsatfu, kusukela ngemnyaka leyabhaliswa ngawo.
Tfola kabanti mayelana nekubhalisa emadizayini ku-CIPC nome utsintse i-CIPC ku: 086 100 2472.
