Bhalisa luphawu lwakho lwekuhweba kuKhomishani Yekubhalisa Tinkampani Nemphahla Yengcondvo (CIPC), kute uvikele labo loncintisana nabo kutsi bayisebentise. I-CIPC ilawula iRejista Yetimphawu Tekuhweba, lelirekhodi lato tonkhe timphawu tekuhweba letisemtsetfweni letifakelwe sicelo ngalokusemtsetfweni nome letibhaliswe eRiphabhulikhi yaseNingizimu Afrika, kusukela nga-1916.
Ticelo tingafakwa kumikhakha lengema-45 leyehlukene, kuye ngemphahla kanye netinsita lolutawusetjentiswa kuto loluphawu lwekuhweba. Imininingwane yenchubo yekwehlukanisa ngemikhakha, i-Nice Classification System, iyatfolakala kuwebhusayithi yeNhlangano Yemphahla Yengcondvo Yemhlaba. Luphawu lwekuhweba lolubhalisiwe lungavikelwa kwalomphelo, kuphela nje nangabe kubhaliswa kwalo ukuvusetela njalo ngeminyaka lelishumi.
Tfola kabanti mayelana nekubhaliswa kweluphawu lwekuhweba ku- CIPC nome utsintse i-CIPC ku: 086 100 2472.