Sicelo sekungenisa eveni noma kundlulisa inyama lekhicitiwe eNingizimu Afrika

Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa

 

 

Ngesi celo sekungenisa eveni noma kundlulisa inyama lekhicitiwe eNingizimu Afrika

Uma ufuna kungenisa noma kundlulisa eNingizimu Afrika inyama lekhicitiwe (lefana nalephekiwe, leyomisiwe, noma lelatisiwe), kufanele wente sicelo sekutfola iphemithi yetekuphepha tetilwane letingeniswa eveni noma letindluliswa eveni kuMcondzisi weTemphilo yetilwane. Kufanele utfole lephemithi  umtfwalo wemkhicito usengakasuki lapho uchamuka khona.

uMcondzisi weTekuphepha Tetilwane waseNingizimu Afrika utokhipha iphemithi yekungenisa noma kundlulisa eveni umkhicito wenyama uma sekuhloliwe kuphepha kwayo inyama.

Kunemibandzela lehlukene emkhicitweni wetinyama emaveni lahlukahlukene. Ngoba lemibandzela iyashintjashintja, sicela ubotsintsana neMcondzisi weTemphilo yeTilwane.

Uma ufuna kufaka sicelo sephemithi yenyamalekhicitiwe letongena iyotsengiswa, kanele ube ubuya enkampaneni leseNingizimu Afrika noma ube nelincusa leliseNingizimu Afrika lelibekwe yinkapane lengephandle kwelive.
Iphemithi yetekuphepha kwetilwane isebenta sikhashana futsi yemsebenti wemtfwalo mune nje kuphela. Kungeniswa lokubuya emaveni esitsatfu akukavami kuvumeleka.

Uma umkhicito wakho uvalelwe ngci, tfola imvume futsi e-South African Bureau of Standards (SABS).

Yini lekumele uyente

  • Gcwalisa lifomu lesicelo sekungenisa silwane noma umkhicito wesilwane noma undlulise eNingizimu Afrika.
  • Uma umkhicito undlula eNingizimu Afrika, letsa ikhophi yephemithi yetekuphepha lebuya eveni lapho umkhicito uya khona kanye nephemithi yekundlulisa eNingizimu Afrika.
  • Bhadalela iphemithi.
  • Faka imali ebhange leLitiko:
    Ligama lelibhange: Standard Bank of South Africa
    Ligama lemnikati we account: National Department of Agriculture
    inombolo yeAccount : 011219556 International Band
    iBranch: 010845
    IB brand 0001982 Centre Code
    Swift Code: SBZA-ZAJJ
    ligama le branch: Arcadia.
  • Umtsintfwa kufanele kube ligama nesibongo semngenisi.
  • Ungabhadala futsi emahhovisini eLitiko Letetinsimi, Tetihlahla kanye netetimfishi imininingwane ibhalwe ngentansi.
  • Mikisa lifomu leligcwalisiwe nesiciniseko sekubhadala ku:
    Umcondzisi: Tekuphepha Tetilwane
    Sigungu sekungenisa nekukhipha eveni
    Private Bag X138
    Pretoria
    0001
    South Africa.
  • Kute sicelo lesitobukwa kungakacinisekiswa kubhadala. Siciniseko sekubhadala kufanele simikiswe nge fax 012 329 8292 ucondzise ku: Ina Labuschagne.
  • Sicela usho esicelweni sakho kutsi iphemithi itolandvwa noma imikiswe nge email kuwe.
  • Uma sekutfolakele lifomu lakho nesiciniseko sekubhadala, iphemithi yetekuphepha nekungenisa eveni kanye nesitifiketi setekuphepha netemphilo sitokhishwa siniketwe wena matfupha.
  • Kufanele utfole sitifiketi setemphilo netekuphepha kwetilwane kudokotela wetilwane eveni lapho ubuya khona umkhicito. Lesitifiketi setemphilo kufanele silandzele lemibandzela lebhaliwe kuphemithi yakho yaseNingizimu Afrika noma kufanele labodokotela betilwane babe bacocisene baseNingizimu Afrika kanye nalelelinye live.
  • Uma udzinga imininingwane lecondzene nenyama loyikhetsitsile, ungatfola ikhophi yephemithi  kanye nesitifiketi setemphilo ehhovisini lemaphemithi.
  • Letsa lolokulandzelako e Sigungwini sekungenisa nekukhipha tinfo eveni:
    • Iphemithi yetekuphepha kwetilwane letingeniswa eveni.
    • Sitifiketi setemphilo yetilwane letingeniswa eveni.
  • Wonkhe umkhicito wenyama kufanele uhlolwe etindzaweni letibhaliwe kuphemithi:
    • eThekwini inombolo: 031 337 4346/7
    • eKapa inombolo: 021 551 2050
    • City Deep (kuphela kumave labomakhelwane): 011 613 1636
    • eBhayi (ucale usho) inombolo : 041 585 8907.

Sikhatsi semsebenti

Dokotela wetilwane wavelonkhe angaze avume kungeniswa, kutsatsa emalanga lamatsatfu kuya kulasihlanu kutsi ikhishwe iphemithi.

Ngabe kubita malini

R220

Emafomu lagcwaliswako

Application to Import Animals or Animal Products Into South Africa

Ngubani longamutsintsa

 

Share this page