Sicelo sekungenisa inyama lengakaphekwanobe nobe kuyihambisa ngekhatsi eNingizimu Afrika

Ngesi elo sekungenisa noma kundlulisa eveni inyama (leluhlata) lokufaka inyama yangekhatsi eNingizimu Afrika noma kundlula khonac

Uma ufuna kungenisa eveni inama (leluhlata)(lokufaka yangekhatsi) eNingizimu Afrika, noma ufuna kuyindlulisa eNingizimu Afrika iya kulelinye live, umtsetfo utsi kufanele wente sicelo sekuniketwa iphemithi yetekuphepha kwayo noma yekuyindlulisa kuMcondzisi weTemphilo Tetilwane. Kufanele utfole lephemithi inyama isengakasuki lapho ichamuka khona.

uMcondzisi weTemphilo yeTilwane utokuniketa lephemithi yekungenisa noma kundlulisa uma sekahlolile wavumela kuphepha kanye netemphilo taletilwane. (imininingwane ungayitfola ku ElmarieV@daff.gov.za , Shayela. 012 319 7700 noma Faxa 012 329 6892)

Kunemibandzela  lehlukahlukene lebukene nemave kanye nemkhicito wetilwane kanye nekuphila kwato. Ngoba lemibandzela iyashintjashintja sicela utsintsane neMcondzisi weTemphilo yeTilwane (ku:012 319 7420/7524/7700 noma kufax 012 329 6892) kute utfole imininingwane lefanele. Lamaphemithi lawa asebenta sikhashana nje futsi asebentela umsebenti munye wekutfwala.

Kungenisa ngemave esitsatfu akukavami kutsi kuvumeleke.

Kungumsebenti wakho kutsi ufundze futsi ulandzele yonkhe imibandzela lebekiwe.

ngekweMtsetfo weKuphepha Kwenyama 2000 (umtsetfo 40 wa 2000) inyama leciniswe noma lesemakhateni ingangeniswa eveni uma ibuya emadzelweni lavunyelwe nguMhlonishwa lofanele waseNingizimu Afrika.
Emagama etindzawo letivumelekile angatfolakala lana noma shayela 012 319 7700 noma utfumele ifax ku 012 329 6892.

Imitfwalo yenyama lebuya emaveni langesheya kwelwandle kusetentiswa lwandle kuwahambisa atongeniswa kuphela nakasendzaweni lemakhata lahambako. Angeke kuvumeleke kutsi lenyama leyi ikhishwe bese iyabuyiselwe. Inyama (lelihlata) itovunyelwa kuphela uma iciniswe emakhateni ngelizinga lemakhata lelishitiwo kuphemithi.

Yini lekumele uyente

1. Gcwalisa lifomu lesicelo sekungenisa noma undlulise eNingizimu Afrika.
2. Uma umkhicito undlula eNingizimu Afrika, letsa ikhophi yephemithi yetekuphepha lebuya eveni lapho umkhicito uya khona kanye nephemithi yekundlulisa eNingizimu Afrika.
3. Bhadalela iphemithi.
4. Faka imali ebhange leLitiko:
   Ligama lelibhange: Standard Bank of South Africa
   Ligama lemnikati we account: National Department of Agriculture
   inombolo yeAccount : 011219556 International Band
   i-Branch: 010845
   IB brand 0001982 Centre Code
   Swift Code: SBZA-ZAJJ
   ligama le branch: Arcadia.
5. Uma wentelalomunye sicelo, sicela unake kutsi ubhadala ngeligama laloyo muntfu noma laleyo nkampane. Umtsintfwa kufanele kube ligama nesibongo saloyo muntfu.
6. Ungabhadala futsi emahhovisini eLitiko Letetinsimi, Tetihlahla kanye netetimfishi imininingwane ibhalwe ngentansi.
7. Nguwe lokufanele bhadale tonkhe tindleko telibhange lokufaka tindleko temali lebuya kulamanye emave. Litiko angeke liyikhiphe iphemithi uma imali yonkhe  ingakabhadalwa. (Iyashintjwa  ngemnyaka ifakwe ku-Government Gazzette).
8. Lisheke lelicondziswe kuMcondzisi Lophetse: Litiko LeTetinsimi Tetihlahla kanye neTetimfishi ingafakwa efomini iposwe.
9. Mikisa lifomu leligcwalisiwe nesiciniseko sekubhadala ku:
   Umcondzisi: Tekuphepha Tetilwane
   Sigungu sekungenisa nekukhipha eveni
   Private Bag X138
   Pretoria
   0001
   South Africa.
10. Kute sicelo lesitobukwa kungakacinisekiswa kubhadala. Siciniseko sekubhadala kufanele simikiswe nge fax 012 329 8292 ucondzise ku: Ina Labuschagne.
11. Sicela usho esicelweni sakho kutsi iphemithi itolandvwa noma imikiswe nge email kuwe.
12. Uma sekutfolakele lifomu lakho nesiciniseko sekubhadala, iphemithi yetekuphepha nekungenisa eveni kanye nesitifiketi setekuphepha netemphilo sitokhishwa siniketwe wena matfupha.
13. Kufanele utfole sitifiketi setemphilo netekuphepha kwetilwane kudokotela wetilwane eveni lapho ubuya khona umkhicito. Lesitifiketi setemphilo kufanele silandzele lemibandzela lebhaliwe kuphemithi yakho yaseNingizimu Afrika noma kufanele labodokotela betilwane babe bacocisene baseNingizimu Afrika kanye nalelelinye live.
14. Uma udzinga imininingwane lecondzene nenyama loyikhetsitsile, ungatfola ikhophi yephemithi  kanye nesitifiketi setemphilo ehhovisini lemaphemithi.
15. Letsa lolokulandzelako e Sigungwini sekungenisa nekukhipha tinfo eveni:
    1. Iphemithi yetekuphepha kwetilwane letingeniswa eveni.
    2. Sitifiketi setemphilo yetilwane letingeniswa eveni.
16. Wonkhe umkhicito wenyama kufanele uhlolwe etindzaweni letibhaliwe kuphemithi:
    1. Thekwini inombolo: 031 337 4346/7
    • Kapa inombolo: 021 551 2050
    • City Deep (kuphela kumave labomakhelwane): 011 613 1636
    • Bhayi (ucale usho) inombolo : 041 585 8907

Sikhatsi semsebenti

Dokotela wetilwane wavelonkhe angaze avume kungeniswa, kutsatsa emalanga lamatsatfu kuya kulasihlanu kutsi ikhishwe iphemithi.

Ngabe kubita malini

R220

Emafomu lagcwaliswako

Application to import/move in transit meat into/through the Republic of South Africa

Ngubani longamutsintsa