Sitifiketi lesilahlekile nome lesonakele
Faka sicelo sekutfola lesinye sitifiketi sakho sakamatekuletjeni (Sitifiketi Savelonkhe Samatekuletjeni) emahhovisi eLitiko Letemfundvo Lesisekelo nome kulitiko lesifundza letemfundvo nangabe ulahlekelwe sitifiketi nome sitifiketi sakho sekucala. Ungafaka sicelo sakho ku-inthanethi ukhokhele kutsi baphindze futsi bakunike lesinye.
Ungacela sitatimende semiphumela ngesikhatsi usalindze kukhishwa kwesitifiketi sakho. Nangabe sitifiketi sakho sonakele, kufanele kutsi usibuyisele kuLitiko Letemfundvo Lesisekelo leso lesonakele.
Uyacelwa kutsi ucaphele: Kufaka sicelo sesitifiketi sakho sakamatekuletjeni lesilahlekile nome lesonakele kungahluka kuleso nakuleso sifundza.
Kuntjintja kwesimo
Nangabe ubhale luhlolo lwamatekuletjeni ngetulu kwelihlandla linye kantsi ufuna kuhlanganisa emakhredithi kute ufaneleke kutsi utfole Sitifikethi Savelonkhe Samatekuletjeni, kufanele kutsi ufake sicelo sekunikwa lesinye sitifiketi: kuntjintja kwesimo. Litiko alimane nje likuhlanganisele emakhredithi akho, ngaphandle kwekutsi ubhale luhlolo lwekuchibela. Ungafaka sicelo saloko ku-inthanethi.
Ungafaka sicelo sesitatimende sekucinisekisa imiphumela ngesikhatsi usalindze Sitifiketi Savelonkhe Samatekuletjeni.
Tfola kabanti mayelana nekutfola lesinye sitifiketi samatekuletjeni kuLitiko Letemfundvo Lesisekelo.
- Lihhovisi lavelonkhe: 012 357 4511/13
certification@dbe.gov.za - EMphumalanga Kapa: 043 604 7709/73
- EFreyistata: 051 404 8000
- EGauteng: 011 355 0588
- KwaZulu-Natal: 031 327 0538/0331
- ELimpopo: 015 290 7747/7830
- EMpumalanga: 013 766 0033
- ENyakatfo Kapa: 053 839 6585
- ENyakatfo Nshonalanga: 018 384 3100/51
- ENshonalanga Kapa: 021 467 2483
