Sisa umntfwana eveni lelinesivumelwano

Kusiswa Kwesivumelwano sase-Hague

Uma ngabe uphuma kulelinye live ufuna kusisa umntfwana waseNingizimu Afrika, kumele ucale utfole kwekutsi ngabe live lakho lingulelinye lelisayinde Sivumelwano sase-Hague. Lesivumelwano sichaza kancono imikhuba yekusiselana kwebantfwana phakatsi kwemave lahlanganyela kulesivumelwnao.

Ungasebentisa loluhlobo lwekusisa uma ngabe live lakho, njengeNingizimu Afrika, lisayinde lesivumelwano sase-Hague.

Lesivumelwano sibuka tintfo letihle kumntfwana futsi sibukene nekuvimbela kutfumba, kuhlushwa, kutsengiswa kanye nekutsengiswa kwebantfwana.

Siphatsimandla lesibukene nekusisa eveni lakho lohlala kulo sitakwendlulisela enhlanganweni yekuvikela bantfwana legunyatiwe kutsi uhlolwe. Lehlangano itawuphindze ikhulumisane nalenhlangano yekuvikela bantfwana legunyatiwe eNingizimu Afrika kukusita kufuna lomntfwana lodzinga kusiswa.

Yini lekumele uyente

Tsintsa Siphatsimandla Lesibukene nekusiswa kwebantfwana eveni lakho lohlala kulo.
Siphatsimandla lesibukene nekusiswa kwebantfwana sitakwendlulisela kuhlangano yekusisa eveni lakho kutsi uhlolelwe kuncuma kwekutsi ngabe ukufanele yini kusisa umntfwana
Uma ngabe lenhlangano yekuvikela ikutfola kwekutsi ufanele futsi ukulungele kusisa, itawubhala umbiko walesifundza wasekhaya lophelele bese iwundlulisela Kusiphatsimandla Lesibukene nekusiswa kwebantfwana saseNingizimu Afrika) (iSACA).
I-SACA itawundlulisa lombiko kunhlangano yekuvikela bantfwana lenesivumelwano sekusebenta ngekusisa nenhlangano yasesiveni sangaphandle kutsi kubukwe lomntfwana lofuna kusiswa.
Uma ngabe kunemntfwana lodzinga kusiswa, lenhlangano yekuvikela bantfwana itawubhala umbiko wesifundvo semntfwana bese iwundlulisela ku-SACA kutsi wemukelwe ngalokusisela kulelinye linye (Umbhalo 17)
Lenhlangano yekuvikela bantfwana eNingizimu itawundlulisa lombiko kunhlangano yasesiveni sangaphandle kumatanisa umntfwana kanye nalaba lekungahle kube batali bakhe.
Uma ngabe usafuna kusisa, Siphatsimandla lesibukene nekusiswa kwebantfwana eveni lakho lohlala kulo sitakuniketa Umbhalo 17, lokuvumela kwekutsi usise.
Umbhalo 17 lophuma kuSiphatsimandla lesibukene nekusiswa saseveni lakho utawutfunyelwa kunhlangano yekuvikelwa kwebantfwana legunyatiwe eNingizimu Afrika. Inhlangano yekuvikela bantfwana itakwatisa kwekutsi uye eNingizimu Afrika kuyephetsa kusiselwa enkantolo yebantfwana.
Inkantolo itawuphetsa kusiselwa kantsi imiculu itawundluliselwa ku-SACA kutsi icinisekiswe kuphindze kubhaliswe lokusiswa.
I-SACA itawubese seyikhipha Sitifiketi Sekuvuma.
Inhlangano yekusisa yaseveni langaphandle itakuniketa ngetinsita tekunakekela tangamuva sikhatsi seminyaka lesihlanu.