Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekufaka sicelo sekusisa umntfwana phakatsi eveni lophuma kulo
Uma ungumuntfu waseNingizimu Afrika uhlala phesheya, ufisa kusisa umntfwana waseNingizimu Afrika, kumele utsintse siphatsimandla lesibukene nekusiswa kwebantfwana eveni lohlala kulo.
Uma kute umtimba losebentako eveni lakho, ungatsintsa Betinsita Tetenhlalakahle Bemave ngemave (i-ISS).
Kusisa phakatsi kwemave kuyiswa kwemntfwana kuyewunakekelwa lomphela ngumuntfu longesiye umtali wakhe ngekutalwa nobe ngumeluleki futsi lohlala eveni langaphandle. Kuniketa umndeni walomphela kumntfwana umndeni lomfanele ungetfolakali eveni laphuma kulo.
Yini lekumele uyente
- Tsintsa umtimba losebenta ngebantfwana nobe i-ISS eveni lohlala kulo.
- Umtimba losebenta ngebantfwana nobe i-ISS eveni lakho itawunconota inhlangano yekusiswa kwebantfwana letawuhlola kufaneleka kwakho.
- Uma umtimba losebenta ngebantfwana nobe i-ISS ikutfola kwekutsi ufanelekile futsi ukulungelele kusisa, itawubhala umbiko wesifundvo sasekhaya lophelele bese iwundlulisela ku-SACA.
- I-SACA itawundlulisa lendzaba kunhlangano yekusisa legunyatiwe kutfola kutsi ngabe ukhona umntfwana lodzinga kusiswa.
- Sisebenti setenhlalakahle sitawucinisekisa kwekutsi wonkhe umuntfu lofuna kuniketa imvumo ngalokusisa akwente loko eNkantolo yeBantfwana.
- Emacembu latsintsekako atawuniketwa emalanga langu-60 ekukhipha tikhalo tabo ngaphambi kwekutsi umntfwana akulungele kusiswa.
- Uma lenhlangano yekusisa seyifake umbiko lovumela lokusisa, i-SACA itawukhipha i-Article 17, lenconota lokusisa kwaphakatsi kwemave.
- I-SASA itawundlulisela umbiko wesifundvo semntfwana kumtimba losebenta ngebantfwana eveni lakho kute mataniswe wena nemntfwana
- Uma ngabe usafuna kusisa, umtimba losebenta ngentfwana eveni langaphandle utakuniketa i-Article 17, lekuvumela kwekutsi usise.
- Utawumenywa kwekutsi uye eNingizimu Afrika kuyephetsa kusiselwa enkantolo yebantfwana.
- Inkantolo yebantfwana itawukhipha umyalo wekusisa kantsi imiculu lefanele itawundluliselwa ku-SACA kucinisekisa nekubhalisa lokusisa.
- Uma ngabe lokusisa kwentiwe nalelinye live le-Hague, i-SACA itawucinisekisa kwekutsi Sitifiketi Sekuvuma siyakhishwa.
- Inhlangano yekuvikelwa kwebantfwana legunyatiwe itawucinisekisa kwekutsi Litiko Letesekhaya litfola ikhophi yemyalo wekusisa nekutsi kuguculwa kwemagama kuyentiwa nekutsi sitifiketi lesinsha siyakhishwa.
- Inhlangano yekuvikelwa kwebantfwana legunyatiwe itakuniketa sitifiketi lesinsha.
- I-ejensi yekusisa yaseveni langaphandle itakuniketa ngetinsita tekunakekela tangamuva sikhatsi seminyaka lesihlanu.
Ngabe kubita malini
Kumele ubhadale kunhlangano yekuvikela bantfwana legunyatiwe macondzana nekusiswa kwebantfwana phakatsi kwemave.
Emafomu lagcwaliswako
Tsintsa umtimba losebenta ngebantfwana nobe i-ISS eveni lohlala kulo.
Ngubani longamutsintsa
Tsintsa umtimba losebenta ngebantfwana nobe i-ISS eveni lohlala kulo.
Department of Social Development provincial offices contact list