Ge mongmošomo wa gago a go kgaola mošomong, o ka dira dikgopelo go Sekhwama sa Inšorentshe ya Tahlegelo ya Mošomo (UIF) go hwetša diputseletšo.
O tla hwetša diputseletšo ge fela o be o lefela UIF nakong ya ge o sa šoma. O ka se dire kgopelo ge e le gore o tlogetše mošomo ka bowena, o fegilwe goba o lofile mošomong ntle le tsebo ya mongmošomo. O ka dira kgopelo ge e le gore Sekhwama sa Inšorentshe ya Tahlegelo ya Mošomo (UIF) se tšea go tlogela mošomo ga gago bjalo ka tšhušumetšo ya thako ya mošomong.
Go ba le maswanedi a diputseletšo tše, o swanetše go ingwadiša bjalo ka motho yo a nyakago mošomo. O swanetše go dira dikgopelo tša diputseletšo tša UIF ge o se no lahlegelwa ke mošomo goba mo dikgweding tše tshela morago ga go emišwa ga mošomo wa gago.
Hwetša dintlha ka botlalo mabapi le diputseletšo tša tahlegelo ya mošomo goba ikgokaganye le UIF.
