Ingwadiše go sehlongwa sa thuto ya godingwana

Diforomo tšeo di swanetšwego go tlatšwa

Mabapi le go ingwadiša go sehlongwa sa thuto ya godingwana

O ka tšwetša pele dithuto tša gago ka yunibesithi, ka yunibesithing ya theknolotši goba ka dikholetšheng tša thuto le tlhahlo tša sethekniki goba tša mešomo ya diatla (TVET) tše o di kgethilego, ge e le gore o na le maswanedi.

Diyunibesithi di aba mananeo a dithuto tša dirutegi le a sephrofešenale, mola diyunibesithi tša theknolotši le dikholetšhe tša TVET di aba mananeo a thuto ao a theilwego kudu go mešomo ya diatla.

O swanetše go tiišetša dinyakwa tša fasefase tša kamogelo le sehlongwa sa thuto se o se kgethilego.

Ge e le gore o moithuti wa boditšhabatšhaba, o swanetše go thoma ka go dira kgopelo ya phemiti ya go ithuta ka ntlong ya botseta ya Afrika Borwa, ka dikantorong tša motseta, ka kantorong ya moemedi wa Afrika Borwa nageng yeo goba ka kantorong ya tša kgwebišano le naga yeo. Mangwalo a gago a dithuto tša ka nageng yeo a swanetše go thoma ka go sekasekwa ke Bolaodi bja Mangwalo a Dithuto bja Afrika Borwa (SAQA) pele ga ge o ka ingwadiša. Go sekaseka mangwalo a dithuto go ka tšea go fihla ka matšatši a 16.

Seo o swanetšego go se dira

Go eya ka dintlha tša gago tša go tsena le dinyakwa tša sehlongwa sa thuto kgetha thuto yeo o nago le maswanedi a go ithutela yona.
Ge o ingwadiša go sehlongwa sa thuto sa phraebete, lekola ge eba se ingwadišitše le Kgoro ya Thuto.
Dira kgopelo ya kamogelo thwii go sehlongwa sa thuto seo o se kgethilego.
Tlatša fomo ya dikgopelo ye e beilwego ya sehlongwa seo sa thuto.
Romela fomo ya kgopelo le dingwalwa ka moka tše di nyakegago go sehlongwa seo.

Ge e le gore o moithuti wa boditšhabatšhaba, dira kgopelo ya tše di latelago: